(વર્તમાન પ્રવાહ ન્યુઝ નેટવર્ક)
દીવ, તા.25: કેન્દ્ર શાસિત પ્રદેશ દીવ ખાતે આજે દીવ ફાયર બ્રિગેડ વિભાગ દ્વારા દીવ કોલેજ તથા બુચરવાડા નવોદય વિદ્યાલયમાં ફાયર સેફટીની તાલીમ અપાઈ, દીવ ખાતે ફાયર બ્રિગેડ વિભાગ દ્વારા અનેક સ્કૂલોમાં ફાયર સેફટી અંગે તાલીમ આપવામાં આવે છે, આજરોજ પણ દીવ કોલેજ તથા બુચરવાડા નવોદય વિદ્યાલય ખાતે વિદ્યાર્થીઓ, શિક્ષકો તથા પ્રોફેસરોને આગ લાગે તે દરમિયાન કઈ કઈ બાબતનું ધ્યાન રાખવું, શોર્ટ સર્કિટ થાય કે સિલિન્ડર લીકેજથી લાગતી આગથી કઈ રીતે સુરક્ષિત રહેવું અને તે દરમિયાન શું શું કરવું વગેરે બાબત ફાયરના જીગ્નેશ શાહ દ્વારા સમજાવવામાં આવ્યું, ત્યારબાદ તેઓએ જણાવ્યું કે, આગ લાગે ત્યારે સૌ પ્રથમ ફાયરને ફોન કરવો ત્યારબાદ સુરક્ષા માટે શું કરવું તે જણાવ્યું તેઓએ પ્રેક્ટિકલ પણ ડેમો કરી વિદ્યાર્થીઓના હાથે આગ બુઝાવી સમજાવ્યું હતું. આ તાલીમ દરમિયાન દીવ ફાયર બ્રિગેડ વિભાગના કર્મચારીઓ તથા દીવકોલેજના પોલીટેકનિકના પ્રિન્સિપાલ નિતિન ગજવાની, પ્રોફેસરો, બુચરવાડા નવોદય વિદ્યાલયના શિક્ષકો તથા બહોળી સંખ્યામાં વિદ્યાર્થીઓ ઉપસ્થિત રહ્યા હતા.