(વર્તમાન પ્રવાહ ન્યુઝ નેટવર્ક)
સેલવાસ, તા.29: સેલવાસ પોલીસ લાઇનની સામે સોસાયટીમાં રહેતા યુવાને કોઈક અગમ્ય કારણોસર અગાસી ઉપર જઈ ઝેરી દવા ગટગટાવીને આત્મહત્યા કરી લેતાં ચકચાર મચી હતી.
પ્રાપ્ત વિગત મુજબ સમાધાન સોમેશ્વર પાટીલ (ઉ.વ.23) રહેવાસી પોલીસ લાઈનની સામે જોસેફ બિલ્ડિંગ અને લુહારી ખાતે કંપનીમાં નોકરી કરતો હતો. જે મોડી રાત્રે નોકરી પરથી નશાની હાલતમાં આવ્યો હતો અને પોતાના રૂમમાં જવાને બદલે સીધો જ ટેરેસ પર જતો રહ્યો હતો અને કોઈક કારણોસર ઝેરી દવા પી લીધી હતી. તેની સાથે રહેતા રૂમ પાર્ટનર જ્યારે સમાધાન પરત નહીં આવ્યો તો તેણે ટેરેસ ઉપર જઈને જોયું તો સમાધાન બેભાન હાલતમાં પડેલો હોવાનું જોતા તાત્કાલિક આજુબાજુ તેમજ પોલીસને ફોન કરી બોલાવ્યા હતા. પોલીસ ટીમ દ્વારા બેહોશ પડેલા સમાધાનને સેલવાસ ખાતેની શ્રી વિનોબા ભાવે સિવિલ હોસ્પિટલમાં લઈ જવામાં આવ્યો હતો. જ્યાં ફરજ ઉપરના તબીબોએ યુવાનને મૃત જાહેર કર્યોહ તો.
આ ઘટના અંગેની ફરિયાદ નોંધી વધુ તપાસ સેલવાસ પોલીસ કરી રહી છે.
