(વર્તમાન પ્રવાહ ન્યુઝ નેટવર્ક)
સેલવાસ, તા.01 : દાદરા નગર હવેલીમાં ઔદ્યોગિક એકમોમાં દેશના વિવિધ ભાગોથી માલા-સામાન ભરીને આવતા ટ્રક, કન્ટેઈનરો, ટ્રેલરો, ટેન્કરો જેવા ભારે વાહનોના આડેધડ પાર્કિંગના કારણે અન્ય અવર-જવર કરતા નાના-મોટા વાહનચાલકોને ભારે હાલાકીનો સામનો કરવા પડી રહ્યો છે.
સેલવાસથી ખાનવેલ રોડ પર મસાટ, સામરવરણી અને રખોલી મેઈન રોડ કંપનીઓમાં આવતા કન્ટેનર, ટ્રેઈલર, ટ્રક, ટેન્કર જેવા મોટા ભારે વાહનોના ચાલકો તેમના વાહનો જાહેરરસ્તાઓ ઉપર જ પાર્ક કરીને ચાલ્યા જાય છે. જેના કારણે ઘણી વખત ભારે ટ્રાફિક જામની સમસ્યા ઉભી થાય છે. ઉપરાંત કેટલાક વાહનચાલકો રોંગ સાઈડ પર વાહન ચલાવતા હોય છે. જેના કારણે અકસ્માતો પણ થતા રહે છે. આ મુખ્ય રસ્તા ઉપર મસમોટા ખાડાઓનું પણ સામ્રાજ્ય હોવાના કારણે ડબ્બલ તકલીફોનો સામનો કરવા પડી રહ્યો છે. તેથી આડેધડ પાર્કિંગ કરનારા વાહનચાલકો સામે તંત્ર દ્વારા જરૂરી કાર્યવાહી કરવામાં આવે એ જરૂરી છે.
