(વર્તમાન પ્રવાહ ન્યુઝ નેટવર્ક)
હિંમતનગર, તા.15: સાબરકાંઠા જિલ્લાના હિંમતનગર તાલુકામાં આવેલ આકોદરા ગામની સીમમાં પરફેક્ટસ્કૂલનો પંચાયતી વેરો સ્કૂલના સંચાલકો દ્વારા ભરપાઈ નહીં કરતા અંતે આકોદરા ગ્રામ પંચાયતના તલાટીએ પરફેક્ટ સ્કૂલના સંચાલકને નોટિસ પાઠવી છે.
આકોદરા ગ્રામ પંચાયતે ગત વર્ષ અને ચાલુ વર્ષે કુલ રૂપિયા 3,33060 બાકી નીકળતો ગામ પંચાયતનો વેરો ભરી જવા માટે પરફેક્ટ સ્કૂલને જણાવ્યું છે,આ અંગે આકોદરા ગ્રામ પંચાયતના તલાટી અભિષેક પટેલે જણાવ્યું હતું કે આગામી સમયમાં પરફેક્ટ સ્કૂલ દ્વારા પંચાયતનો બાકી નીકળતો વેરો ભરવામાં નહીં આવે તો પરફેક્ટ સ્કૂલને આપવામાં આવતી પંચાયતી સેવાઓ બંધ કરી દેવામાં આવશે તેથી વિશેષ જરૂર જણાશે તો પંચાયતને મળેલી સત્તાના ભાગરૂપે પરફેક્ટ સ્કૂલ સીલ મારવાની કાર્યવાહી પણ હાથ ધરવામાં આવનાર છે.
