(વર્તમાન પ્રવાહ ન્યુઝ નેટવર્ક)
દીવ, તા.15: શ્રી વડી શેરી કોળી સમાજ વણાકબારાની વાર્ષિક મિટિંગનું આયોજન કરવામાં આવ્યુ હતું. ગત વર્ષ 2022-23 ના બોટ તથા પિલાણી એસોસિયેશન અને સમાજની વિવિધ સંસ્થાનો વાર્ષિક પ્રવૃત્તિઓ અને તેનો હિસાબ આપવામાં આવ્યો, તથા આગામી વર્ષ 23-24 માટે વરણી કરવામાં આવી હતી. આયોજીત શ્રી વડી શેરી કોળી સમાજના શક્તિ ભવન સભાખંડમાં કરવામાં આવેલ હતું. સર્વાનુમતે શ્રી વડી શેરી કોળી સમાજના હોદેદારોની વરણી કરાઈ. જેમાં નવા પટેલ તરીકે શ્રી જીતેન્દ્રભાઈ કાનજી સોલંકી, મંત્રીશ્રી તરીકે શ્રી ઉમેશભાઈ છગન બારીયા, સહમંત્રીશ્રી તરીકે શ્રી તુલસીભાઈ જીવા બામણીયાની વરણી કરાઈ હતી. આ કાર્યક્રમમાં શ્રી વડી શેરી કોળી સમાજના તમામ આગેવાનો શ્રી વડી શેરી કોળી સમાજની દરેક બેઠકના પટેલશ્રીઓ તેમજ બેઠકના મંત્રીશ્રી બોટ તેમજ પિલણી એસોસિયેશનના પ્રમુખશ્રીઓ હાજર રહ્યા હતા.
