(વર્તમાન પ્રવાહ ન્યુઝ નેટવર્ક)
સેલવાસ, તા.17 : કેન્દ્રિય આરોગ્ય અને પરિવાર કલ્યાણ તથા કેમિકલ અને ફર્ટિલાઈઝર મંત્રી ડૉ. મનસુખભાઈ માંડવિયાનું દમણ કોસ્ટગાર્ડ એરપોર્ટખાતે પ્રદેશ ભાજપ અધ્યક્ષ શ્રી દીપેશભાઈ ટંડેલના નેતૃત્વમાં ભાજપના પદાધિકારી અને ચૂંટાયેલા લોક પ્રતિનિધિઓએ અભિવાદન કર્યું હતું. જેમાં દમણ નગરપાલિકાના અધ્યક્ષ શ્રી અસ્પીભાઈ દમણિયા, પ્રદેશ ભાજપ મંત્રી શ્રી જીજ્ઞેશભાઈ પટેલ, દમણ શહેર ભાજપ અધ્યક્ષ શ્રી પિયુષભાઈ પટેલ, દમણવાડાના સરપંચ શ્રી મુકેશ ગોસાવી, મરવડ ગ્રામ પંચાયતના ઉપ સરપંચ શ્રી સતિષભાઈ પટેલ તથા દમણવાડા વિભાગના જિ.પં. સભ્ય શ્રીમતી ફાલ્ગુનીબેન પટેલનો સમાવેશ થતો હતો.