(વર્તમાન પ્રવાહ ન્યુઝ નેટવર્ક)
દીવ, તા.20: કેન્દ્રશાસિત પ્રદેશ દીવ ખાતે દર વર્ષની જેમ આ વર્ષે પણ દીવ પોલીસ સ્ટેશનના પ્રાંગણમાં ગણેશ ચતુર્થી નિમિત્તે ગણપતિ બાપ્પાની સ્થાપના કરવામાં આવી હતી. એસપી ફુલઝેલે પિયુષ નિરાકર, એસડીપીઓ સંદિપ રૂપેલા, પીઆઈ નરેશ પટેલ, પીએસઆઈ નિલેષ કાટેકર, હોટલ એસોસિયેશન પ્રમુખ યતિન ફ્રુગ્રો વગેરેના હસ્તે પૂજા-અર્ચના કરી વિધિવત ગણપતિ બાપ્પાની સ્થાપના કરી હતી અને પૂજા-અર્ચના બાદ પ્રસાદ તથા ભોગ ધરવામાં આવ્યો હતો. આ પ્રસંગે અનેક પોલીસ કર્મીઓ ઉપસ્થિત રહ્યા હતા અને દર્શન તથા પ્રસાદનો લાભ લીધો હતો.