સંજોગવસાત નજીકમાં પસાર થતી જીએસપીસી સેલની ગેસ
લાઈનમાં ભંગાણ પડયું હતું
(વર્તમાન પ્રવાહ વાપી બ્યુરો)
વાપી, તા.22: વલસાડ પાસે આવેલ પાલણગામમાં આજે સવારે ડમ્પર ચાલકે સાત જેટલા વિજ થાંભલા તોડી પાડતા અફરાતફરી મચી ગઈ હતી તેમજ સમગ્ર વિસ્તારમાં અંધારપટ છવાઈ ગયો હતો.
વલસાડના પાલણ ગામ પાસે ચાલતા બુલેટ ટ્રેનની સાઈટ ઉપર મટેરીયલ ખાલી કરી પરત ફરી રહેલ ડમ્પરે સાત જેટલા વિજ થાંભલા ડમ્પરની ટ્રોલી અથડાતા તોડી પાડયા હતા. ઘટનાની જાણ થતા વિજ કંપનીએ નવા થાંભલા નાખવાની કામગીરી હાથ ધરી હતી. સંજોગ વસાત નજીકમાં પસાર થતી જીએસપીસીની ગેસ પાઈપ લાઈનમાં પણ ભંગાણ સર્જાયુ હતું. કંપનીએ ગેસ સપ્લાય બંધ કરી મરામતની કામગીરી હાથ ધરી હતી.
