રૂા.46,200 નો દારૂ અને ટેમ્પો મળી રૂા.3,51,000 નો મુદ્દા માલ કબજે કર્યો
(વર્તમાન પ્રવાહ ન્યુઝ નેટવર્ક)
પારડી, તા.12: પારડી પોલીસ સ્ટેશનના પીઆઈ બી.જે. સરવૈયા, પો.કો. ક્રિપાલસિંહ ચંદુભાઈ, મહેન્દ્રસિંહ મોહબતસિહ અનેકાનજીભાઈ નારણભાઈ સહિતના પોલીસ સ્ટાફ તારીખ 11-10-2023 ના મોડી રાત્રે પારડી પોલીસ સ્ટેશન વિસ્તારમાં પેટ્રોલિંગ કરી રહ્યા હતા. આ દરમિયાન પારડી પોલીસ સ્ટેશનના પીઆઈ બી.જે. સરવૈયાને એક સિલ્વર કલરનો બંધ બોડીનો મારુતિ સુઝીકી કંપનીનો સુપર કેરી ટેમ્પો નંબર એમએચ 05 ઈએલ 6915 દમણ ખાતેથી નીકળી મોતીવાળા થઈ સુરત તરફ દારુ ભરીને જતો હોવાની બાતમી મળતા પારડી પોલીસે પારડી હાઈવે સ્થિત તુલસી હોટલની સામે નેશનલ હાઈવે નંબર 48 વાપીથી સુરત તરફ જતા રોડ પર વોચ ગોઠવી બાતમીવાળો ટેમ્પો આવતા ટ્રાફિક જામ કરાવી ટેમ્પાને સાઈટ પર લેવડાવી ટેમ્પાના પાછળના ભાગે તપાસ કરતા ભારતીય બનાવટનો દારૂ તથા બિયરનો જથ્થો 432 નંગ કિંમત રૂપિયા 46,200 મળી આવતા ટેમ્પો ચાલક અરવિંદભાઈ શ્રીનાથભાઈ જયસ્વાલ રહે.ભેસ્તાન પ્રિયંકા સોસાયટી, ભીંડી માર્કેટ, ઉન પાટીયા, સુરતની ધરપકડ કરી હતી.
વધુ તપાસ દરમિયાન તેણે આ દારૂનો જથ્થો પાંડેસરા જીઆઈડીસી સુરત ખાતે રહેતા અક્ષય ઉર્ફે અચ્છે ત્રિવેદી નામના વ્યક્તિએ મંગાવ્યો હોવાનું અને દમણથી એક અજાણીસ્ત્રી થેલામાં ભરી આ દારૂનો જથ્થો આપી જશે હોવાનું જણાવતા આ બંને આરોપીઓને વોન્ટેડ જાહેર કરી વધુ તપાસ પારડી પોલીસ સ્ટેશનના પી.આઈ. બી.જે. સરવૈયા કરી રહ્યાછે.
