ત્રણ ઈસમોની ધરપકડ કરી છ તલવાર કબજે લીધી
(વર્તમાન પ્રવાહ ન્યુઝ નેટવર્ક)
પારડી, તા.12: પારડી પોલીસ સ્ટેશનના પી.એસ.આઈ. ડી.એલ. વસાવા અને અ.હે.કો પ્રદિપસિંહપ્રતાપસિંહ પેટ્રોલિંગમાં હતા આ દરમિયાન બગવાડા ટોલ પ્લાઝાની ઓફિસની બાજુમાં અલગ અલગ સમયે ત્રણ જેટલા ઈસમો હાથમાં મ્યાનવાળી તલવાર લઈ આવતા જતા રાહદારીઓને વેચવા માટે તલવાર બતાવતા હોય પોતાની પાસે પ્રાણ ઘાતક તલવાર રાખવી કે વેચવી ગુનો બનતો હોય પારડી પોલીસ સ્ટેશનના પી.એસ.આઈ. ડી.એલ. વસાવાએ આ ત્રણ ઈસમો (1) સંજય સુરેશભાઈ લુહાર ઉંમર વર્ષ 20, (2) ગોવિંદભાઈ દિલીપભાઈ લુહાર ઉંમર વર્ષ 32, (3) ઘનશ્યામ આત્મારામ મારવાડી ઉંમર વર્ષ 20 તમામ રહે.કલોલ કલ્યાણપુરા સરકારી પશુ દવાખાનાની પાછળ, ગાંધીનગરની પૂછપરછ દરમ્યાન તેઓ પાસે કોઈ આ તલવાર રાખવા કે વેચવા માટેનું લાયસન્સ ન હોય જાહેર નામાંનો ભંગ બદલ જી.પી.એક્ટ કલમ 135 મુજબ કાયદેસરની કાર્યવાહી કરી છ જેટલી તલવારો કિંમત રૂપિયા 1200 ની કબજે લઈ ત્રણેય ઈસમોની ધરપકડ કરી વધુ તપાસ હાથ ધરી છે.