(વર્તમાન પ્રવાહ ન્યુઝ નેટવર્ક)
ચીખલી, તા.16: ચીખલી તાલુકાના ફડવેલ ગામે રાત્રિ દરમ્યાન વન વિભાગ દ્વારા દસેક ફૂટ લાંબો મહાકાય અજગરને રેસ્કયુ કરવામાં આવ્યો હતો. ફડવેલના તલાવડી ફળીયામાં કુસુમબેન મંગુભાઈ પટેલના ઘરના આંગણામાં વીશાળકદનો અજગર નજરે પડતા સ્થાનિકોમાં ગભરાટ ફેલાયો હતો. ગામના સરપંચ પતિ હરીશભાઈ તાલુકા સભ્ય મહેશભાઈ સહીતનાઓ ધસી જઈ જાણ કરતા વન વિભાગની ચીખલી રેન્જના આરએફઓ આકાશભાઈની સૂચનાથી વન વિભાગ દ્વારા દસેક ફૂટ લાંબા અને બાવીસેક કિલો ગ્રામ વજનના મહાકાય અજગરને રેસ્કયુ કરી ઢોલુંમ્બર જંગલમાં સલામત રીતે છોડવામાં આવ્યો હતો.
