(વર્તમાન પ્રવાહ ન્યુઝ નેટવર્ક)
સેલવાસ, તા.16: બેંક ઓફ બરોડા દ્વારા સંચાલિત બરોડા આરસેટી-સેલવાસ દાનહના ખેરડી ગ્રામ પંચાયતના ડોલારા ગામમાં શાકભાજી નર્સરી સંચાલન અને ખેતી પર દસ દિવસની ટ્રેનિંગ કાર્યક્રમ આયોજીત કરવામાં આવ્યો હતો, જેમાં 25 એસ.એચ.જી. મહિલાઓએ ભાગ લીધો હતો. જેમાં ટ્રેનિંગ લેનારને વિવિધ ખેતી ટેકનીક જેવી કે પોલી હાઉસ, શેડ નેટ અંગે ટ્રેનિંગ આપવામાં આવી ટ્રેનર રાજેન્દ્ર કુમાર પટેલ દ્વારા આપવામાં આવી હતી.
દાનહ કૃષિ વિભાગના ટ્રેનરોને સમર્થન કર્યું હતું અને આગળની ગતિવિધિ શરૂ કરવા અને મહિલાઓને પ્રેરિત કરવા માટે તેઓએ ટામેટા, વેંગણ, લીંબુ જેવા વિવિધ છોડો આપી સહાયતા કરી છે અને આગળ પણ કોઈપણ આવશ્યકતા માટે આશ્વાસન આપ્યું હતું. આ અવસરે ખેરડી ગામના સરપંચ શ્રી યશવંત ઘુટીયા અને એમની ટીમે ભાગ લીધો હતો અને તેઓને પણ સહાયતા આપવાનું આશ્વાશન આપવામાં આવ્યું હતું. ટ્રેનિંગ કાર્યક્રમના સમન્વયન બરોડા આરસેટી સેલવાસના સંકાય સંદીપ રાવતયા દ્વારા કરવામાંઆવ્યું હતું અને કાર્યાલય સહાયક રાકેશ સાવંત દ્વારા સમર્થિત કરવામાં આવ્યું હતું. ટ્રેનિંગ લેનાર દરેકને પ્રમાણપત્ર પણ આપવામાં આવ્યા હતા.