દમણના તમામ વાઈનશોપ અને બાર-રેસ્ટોરન્ટના સંચાલકો દ્વારા સર્વ સંમતિથી ધ દમણ વાઈન મરચન્ટ એસોસિએશનના પ્રમુખની સોંપાયેલી જવાદબારી
(વર્તમાન પ્રવાહ ન્યુઝ નેટવર્ક)
દમણ, તા.17 : ધ દમણ વાઈન મરચન્ટ એસોસિએશનના પ્રમુખ તરીકે શ્રી મહેશભાઈ ગુલાબભાઈ પટેલના નામની સર્વ સંમતિથી વરણી કરી હોવાની જાહેરાત કરવામાં આવી છે.
પ્રાપ્ત માહિતી મુજબ ગઈકાલે તા.16મી ઓક્ટોબરે મળેલી ધ દમણ વાઈન મરચન્ટ એસોસિએશનની બેઠકમાં આ નિર્ણય લીધો હોવાનું દમણના તમામ વાઈનશોપ અને બાર-રેસ્ટોરન્ટના સંચાલકો દ્વારા સર્વ સંમતિથી નવા પ્રમુખ તરીકે શ્રી મહેશભાઈ ગુલાબભાઈ પટેલની વરણીકરી હોવાનું જણાવાયું છે.
હવેથી તમામ પ્રકારનો પત્ર વ્યવહાર તથા નીતિ વિષયક નિર્ણયોમાં પ્રમુખ શ્રી મહેશભાઈ પટેલ ધ દમણ વાઈન મરચન્ટ એસોસિએશનની જવાબદારી નિભાવશે. સાથે ધ દમણ વાઈ મરચન્ટ એસોસિએશનની સમસ્યાઓ અને અન્ય બાબતો માટે પણ સંબંધિત વિભાગ કે અધિકારી સમક્ષ જરૂરી રજુઆત કરશે.
અત્રે નોંધનીય છે કે, દમણની રેવન્યુમાં ધ દમણ વાઈન મરચન્ટ એસોસિએશનું મોટું યોગદાન છે. દમણના વાઈન શોપો અને બાર રેસ્ટોરન્ટને કારણે લગભગ 10 હજારથી વધુ લોકોને પ્રત્યક્ષ અથવા પરોક્ષ રીતે રોજગાર મળે છે.
ધ દમણના મરચન્ટ એસોસિએશનના પ્રમુખ તરીકેની જવાબદારી સ્વીકારતા શ્રી મહેશભાઈ પટેલે જણાવ્યું હતું કે, તેઓ તેમને મળેલી જવાબદારીને પૂરી નિષ્ઠા અને ઈમાનદારીથી નિભાવશે. બેઠકમાં ઉપસ્થિત તમામનો ધ દમણ વાઈન મરચન્ટ એસોસિએશનના નવનિયુક્ત પ્રમુખ શ્રી મહેશભાઈ પટેલે આભાર માન્યો હતો.
