(વર્તમાન પ્રવાહ ન્યુઝ નેટવર્ક)
નવસારી, તા.18: નવસારી વિજલપોર સયાજી ચોક સ્થિત કચ્છીવાડી ઉમાભવન ખાતે પ્રાચીન ગરબા સ્પર્ધાનું આયોજન કરવામાં આવ્યું હતું. ડીજે તેમજ ઓરકેસ્ટ્રાના સમયમાં પ્રાચીન ગરબા સ્પર્ધાનું આયોજન કરવું ઘણું જ સરાહનીય કાર્ય છે. નવસારીના અલગ અલગ સ્થળોની મહિલા મંડળે સ્પર્ધામાં ભાગ લીધો હતો. જેમાં નવસારીના કચ્છ કડવા પાટીદાર સનાતન મહિલા મંડળે પણ ભાગ લીધો હતો. પ્રાચીન ગરબા સ્પર્ધામાં મહિલા મંડળની 19 મહિલાઓએ ભાગ લીધો હતો. દરેક સ્પર્ધકોએ રંગબેરંગી બાંધણીઓ પેહરી હતી તેમજ બે વડીલ મહિલા માથે ગરબો લઈ ગરબે ઘૂમ્યા હતા. ગરબો ગવડાવું અંબે માતનો રે લોલ ગરબે સ્પર્ધકો ઘૂમ્યા હતા. પરંપરાગત પ્રાચીન ગરબા સ્પર્ધાને કડવા પાટીદાર કચ્છી સમાજ પ્રોત્સાન આપવા ભેગો થયો હતો અનેમહિલા મંડળોની સરાહના કરી હતી. અખિલહિંદ મહિલા મંડળ, લાયન્સ ક્લબ તેમજ રોટરી ક્લબ સંસ્થાના આગેવાનોએ નિર્ણાયકની ભૂમિકા ભજવી પ્રોત્સાન આપી વધાવ્યા હતા તેમજ શુભેચ્છાઓ પાઠવી હતી.
