(વર્તમાન પ્રવાહ ન્યુઝ નેટવર્ક)
પારડી, તા.23: પારડીના ટૂકવાડા ખાતે પ્રખ્યાત એવા અવધ ઉટોપિયા ક્લબમાં સેલ્સ એક્ઝિકયુટિવ તરીકે ફરજ બજાવતા સંકેત દિનેશભાઈ મહેતા વિરુદ્ધ 40 લાખ જેટલી માતબર રકમની છેતરપિંડી, વિશ્વાસઘાત અને ઠગાઈની ફરિયાદ નોંધાતા પારડી પોલીસે અગાઉથી જ સબ જેલમાં સજા ભોગવતા સંકેતને પારડી ખાતે લઈ આવી કોર્ટમાં રજૂ કરતા પારડી કોર્ટે તેને એક દિવસના રિમાન્ડ આપ્યા હતા. આ રિમાન્ડ દરમિયાન પૂછપરછમાં તેણે આ રૂપિયા વેલકમ 11 નામની ઓનલાઈનરમાતી એપમાં જુગાર રમી શરૂઆતમાં જીત મેળવતા વધુ જીતવાની લાલચે 40 લાખ રૂપિયા હારી ગયો હોવાનું પારડી પોલીસ સમક્ષ કબૂલ્યું હતું.
આ રીતે ઓન લાઈન એપની લત લગાવી જુગારમાં રૂપિયા હારી જઈ જેલમાં જવાનો સમય આવતા લોકો માટે એક દૃષ્ટાંત રૂપ દાખલો બેસે છે. મોબાઈલમાં આવી અનેક લોભામણી એપો શરૂઆતમાં તમને જીતનો સ્વાદ ચખાડી વધુ રમવા માટે આક્રશે છે તો આવી એપના ચક્કરમાં પડવું નહીં, નહીતો સંકેત મહેતાની જેમ નોકરી, પૈસા, ઈજ્જત સર્વસ્વ ગુમાવી જેલની હવા ખાવાનો સમય આવશે.
