પોલીસે સીસીટીવી ફૂટેજ આધારે કાર ચાલકોને શોધવા ચક્રો ગતિમાન કર્યા
(વર્તમાન પ્રવાહ વાપી બ્યુરો)
વાપી, તા.06: યુવાનીની ઘેલછા ઘણો કે ગાંડપણ કંઈક તેવો જ કિસ્સો રવિવારે સાંજના સમયે વલસાડ શહેરમાં બન્યો હતો. બે કાર ચાલકો વચ્ચે ભર બજાર વચ્ચે જામેલી રેસમાં એક બાઈક ચાલક દંપતિને અડફેટે લેતા અકસ્માત સર્જાયો હતો.
વલસાડમાં રવિવારે સાત-આઠ વાગ્યાના સુમારે આવા બાઈ સ્કૂલ પાસે બે કાર ચાલકો વચ્ચે ભર બજારમાં બેફામ રેસ જામી હતી. આ રેસમાં રોડ ઉપરથી બાઈક ઉપર સવાર થઈ પસાર થઈ રહેલ દંપતિને અડફેટમાં લેવુ હતું. દંપતિ પટકાતા લોકો અને દુકાનદારો એકઠા થઈ ગયા હતા અને ઘાયલ દંપતિને સારવાર માટે ખસેડાયા હતા. ચર્ચા તો એવી પણ હતી કે આગળ પાવર હાઉસ પાસે પણ અકસ્માત કાર ચાલકોએ સર્જ્યો છે. જો કે તેની પૃષ્ટી થઈ નથી. બીજી તરફ એવી પણ ચર્ચાઓ થતી હતી કે આ કાર રેસ નહી હોય કોઈ બુટલેગરને પકડવા પોલીસે ખાનગી કારમાં પીછો કર્યો હશે. જે હશે તે આગળની વધુ તપાસમાં સત્ય બહાર આવશે.