પોલીસથી ગભરાઈ કાર ચાલકો કોટી વિનર ફળીયા આગળ કાર છોડી ભાગી ગયા
(વર્તમાન પ્રવાહ વાપી બ્યુરો)
વાપી, તા.05: વલસાડ ડુંગરી હાઈવે ઉપર આજે મંગળવારે બપોરે પોલીસે રાજસ્થાન પાસિંગની સુરત તરફથી આવી રહેલી શંકાસ્પદ કારનો ફિલ્મી ઢબે પિછો કરીને કાર ઝડપી પાડી હતી. કારમાં લાખોની કિંમતનો ગાંજાનો જથ્થો પોલીસને જોઈ જતા ચાલકે કાર પુરઝડપે ચલાવી લેતા પોલીસને શંકા પડતા કારનો પિછો કર્યો હતો. ફિલ્મી ઢબે પોલીસે કારને થોડા અંતરમાં પકડી લીધી હતી. પરંતુ કોટી વિનર ફળીયા આગળ કાર છોડીને ચાલક ભાગી છુટયો હતો. પોલીસ કારનું ચેકીંગ કરતાં ચોંકી ગઈ હતી. કારમાં લાખો રૂપિયાનો ગાંજાનો જત્થો મળી આવ્યો હતો. પોલીસ કારને મુદ્દામાલમાં જપ્ત કરીને આગળની વધુ તપાસ હાથ ધરી છે.
