સરપ્રાઈઝ ચેકીંગમાં 5 થી 7 જગ્યાએ વિજચોરી ઝડપાતા અસામાજીકોએ હૂમલો કર્યો
(વર્તમન પ્રવાહ વાપી બ્યુરો)
વાપી, તા.08: પારડી તાલુકાના પાટી ગામે આજે શુક્રવારે વિજ ચેકીંગ કરવા માટે ગયેલી વિજ કંપનીના કર્મચારીઓ ઉપર હૂમલો કરવામાં આવતા એક કર્મચારી ઘાયલ થયો હતો.
પારડીના પાટી ગામે વાડ ફળીયા વિસ્તારમાં વિજ કંપનીનીટીમ સરપ્રાઈઝ ચેકીંગ કરવા પહોંચી હતી. ચેકીંગ કામગીરી દરમિયાન 5 થી 7 મકાનોમાં વિજ ચોરી પકડાઈ હતી તે અંગે દંડનીય કામગીરી કર્મચારીઓએ હાથ ધરતા ગામના અસામાજીક તત્ત્વો એકઠા થઈ ગયા હતા અને વિજ કંપનીની ટીમ ઉપર હૂમલો કર્યો હતો. તિક્ષ્ણ હથિયાર વડે હુમલો કરતા એક કર્મચારી ઘાયલ થયો હતો. ઘટના અંગે પારડી પોલીસને જાણ કરવામાં આવી હતી. પોલીસે ગુનો નોંધવાની તજવીજ હાથ ધરી હતી. ઘાયલ કર્મચારીને નજીકની હોસ્પિટલમાં સારવાર માટે ખસેડાયો હતો.
