આજે જનજીવન તથા પૃથ્‍વી માટે સંપર્ક કડી સમાન અર્થ અવરની ઉજવણી કરાશે

વલસાડ જિલ્લાના પ્રજાજનોને રાત્રે 8-30 થી 9-30 દરમિયાન બિનજરૂરી વિજળી ઉપકરણો બંધ રાખી સહયોગ આપવા અનુરોધ

(વર્તમાન પ્રવાહ ન્‍યુઝ નેટવર્ક) વલસાડ, તા.25: સમગ્ર વિશ્વમાં તા.26મી માર્ચે જનજીવન તથા પૃથ્‍વી માટે સંપર્ક કડી સમાન અર્થ અવરની ઉજવણી કરાશે. આ ઉજવણીના ઉપલક્ષમાં વલસાડ જિલ્લાના પ્રજાજનોને રાત્રિના 8-30 થી 9-30 દરમિયાન બિનજરૂરી વીજઉપકરણો બંધ રાખી સહયોગ આપવા ડબલ્‍યુ.ડબલ્‍યુ.એફ. સંસ્‍થા દ્વારા અનુરોધ કરાયો છે.
ડબલ્‍યુ.ડબલ્‍યુ.એફ. સંસ્‍થાના હેડ મૌતિક દવે જણાવે છે કે, જનજીવન તથા પૃથ્‍વી માટે સંપર્ક કડી સમાન અર્થ અવરની ઝુંબેશ 2007માં શરૂ કરવામાં આવી હતી. જે જમીની ધોરણે ચાલતું સર્વાધિક મહત્ત્વપૂર્ણ પર્યાવરણીય આંદોલનનું રૂપ લઇ લીધું છે. જેને વિશ્વભરના લોકો, સમુદાયો, કંપનીઓ, સંસ્‍થાઓ અને દેશોની સામુહિક કાર્યશક્‍તિના આધારે સકારાત્‍મક પ્રભાવ ભો કર્યો છે. જો તમે વિચારતા હો કે એક કલાક બિનજરૂરી લાઇટ બંધ રાખવાથી કેટલો ફરક પડશે? તો પૂરી દુનિયામાં જ્‍યારે બિનજરૂરી લાઇટ બંધ થાય અને એક કલાકના પ્રયોગમાં જળવાયુ પરિવર્તન અને તેને અનુﾗકૂળ બનાવવા માટેના આ સામૂહિક પ્રયત્‍નનો પ્રભાવ તથા તેના પ્રભાવ તથા તેના પરિણામનોપણ વિચાર કરી જુઓ. જેથી આ વર્ષે આ હકારાત્‍મક કાર્ય સાથે જોડાવાનો નિર્ણય કરી શકશો.
ભારતના જાણીતા સંગીતજ્ઞ શાંતનુ મોઇત્રા તથા તેમના કેટલાક મિત્રો એક સંગી સંધ્‍યા દ્વારા વિષયને અનુﾗકૂળળ વાતચીત સાથે સંગીતમય મનોરંજન કાર્યક્રમો કરશે. તેમની સાથે શ્રૃતિહસન, દીયા મિર્ઝા, શુભા મુદગલ, મોહિત ચૌહાણ, સ્‍વાનંદ કિરકરે, પોપીન, માટીબની, સિડ, શ્રીરામ નિરજ આર્ય જેવા કલાકરો પોતાના સંદેશા સાથે પોતાની કળાનું પારખું કરાવશે.
આ કાર્યક્રમ અંતર્ગત વલસાડ શહેરમાં ડબલ્‍યુ.ડબલ્‍યુ.એફ. ઓફિસ દ્વારા અર્થ અવર ઉજવણીના ભાગરૂપે તા.26/3/2022ને શનિવારે સવારે 8-00 થી 10-00 દરમિયાન પેડલ ફોર પ્‍લાનેટ નામે સાયકલ રેલીનું આયોજન બાઇ આવાંબાઇ હાઇસ્‍કૂલ તથા પ્રથમ ફાઉન્‍ડેશનના સહકાર દ્વારા કરાયું છે. જેમાં શહેરની નામાંકિત સંસ્‍થાઓ પણ જોડાશે. બાઇ આવાંબાઇ હાઇસ્‍કૂલના બાળકો, પ્રથમ ફાઉન્‍ડેશન સાથે જોડાયેલા સાયકલીસ્‍ટ, આર.પી.એફ.ના જવાનો હાજર રહેશે. આ સ્‍થળે સીગ્નેચર કેમ્‍પેઇન પણ યોજાશે. આ અંગે વધુ માહિતી માટે ડબલ્‍યુ.ડબલ્‍યુ.એફ. સંસ્‍થાના હેડ મૌતિક દવેના મોબાઇલ નંબર 9898197875 ઉપક સંપર્ક સાધી શકાશે.