(વર્તમાન પ્રવાહ વાપી બ્યુરો)
વાપી, તા.08: બે દિવસ પહેલા વાપી જીઆઈડીસીમાં આવેલ સરના કેમિકલ કંપનીમાં ડ્રમ ફેરવતા થયેલા ગેસ લિકેજમાં બે કામદારોના મોત નિપજ્યા હતા. જ્યારે એકને ગંભીર હાલતમાં સારવાર માટે ખસેડાયેલ. આ પ્રકરણમાં જી.પી.સી.બી.એ સખ્ત કાર્યવાહી કંપની સામે કરી છે.
વાપી જીઆઈડીસી પ્લોટ નં.1708-1715 તથા 1707માં કાર્યરત સરના કેમિકલ કંપનીમાં ગત તા.5ના રોજ કામદારો ડ્રમ ફેરવતા હતા ત્યારે ડ્રમમાંથી ગેસ નિકળતા બે કામદારો ગોરેલાલ મંડળ અને દિલીપ શ્યામ સુંદરનું મોત થયું હતું જ્યારે ભુવનેશ્વર સારવાર હેઠળ છે. આઘટનામાં જી.પી.સી.બી.એ કંપની સામે સખ્ત કાર્યવાહી કરી ક્લોઝર નોટીસ આપી છે તેમજ 50 લાખનો દંડ ફટકાર્યો છે તેમજ તપાસ રિપોર્ટ મંગાવ્યો છે. કંપની કામદાર પરિવારને કેટલું વળતર આપ છે તે જોવું રહ્યું.
