કોંગ્રેસ સાંસદ પાસેથી વિપુલ પ્રમાણમાં મળેલ રોકડ
રકમના પ્રત્યાઘાત દેશભરમાં પડયા
(વર્તમાન પ્રવાહ વાપી બ્યુરો)
વાપી, તા.10: ઝારખંડના રાજ્યસભાના કોંગ્રેસ સાંસદ પાસેથી અધધ કહી શકાય તેવો 300 કરોડની રોકડ રકમનો જથ્થો મળી આવ્યો છે. જેના પ્રત્યાઘાત દેશભરમાં પડયા છે. વલસાડ જિલ્લા ભાજપે શનિવારે સાંજના જિલ મધ્યસ્થ કાર્યાલય પાસે સાંસદ પાસેથી મળેલ વિપુલ નોટોના જથ્થા અંગે વિરોધ કાર્યક્રમ યોજી સુત્રોચ્ચાર કર્યો હતો.
દેશમાં કાળુ ધન કેટલા પ્રમાણમાં છુપાયેલ છે તેનો પર્દાફાશ ઝારખંડમાં થયો છે. કોંગ્રેસના રાજ્યસભાના સાંસદ ધીરજ શાહુ પાસેથી અધધ કહી શકાય તેટલો 300 કરોડની રોકડનો જથ્થો મળી આવતા દેશભરમાં ઘેરા પ્રત્યાઘાત પડયા છે. ભાજપે આ મુદ્દાનેહેન્ડકેશ કરીને દેશભરમાં વિરોધ પ્રદર્શનો શરૂ કરી દીધા છે તે અંતર્ગત વલસાડ જિલ્લા ભાજપે શનિવારે મધ્યસ્થ કાર્યાલય કમલમમાં કાર્યકરોએ વિરોધ પ્રદર્શન યોજ્યું હતું. તેમજ સુત્રોચ્ચાર કર્યો હતો. કાર્યક્રમમાં જિલ્લા પ્રમુખ હેમંત કંસારા, મહામંત્રી શિલ્પેશ દેસાઈ, જી.પં. પ્રમુખ મનહર પટેલ, ઉપ પ્રમુખ જીતેશ પટેલ મીડિયા કન્વીનર દિવ્યેશ પાંડે સહિત કાર્યકરો ઉપસ્થિત રહ્યા હતા.
