અકસ્માત સર્જ્યા બાદ ડમ્પર ચાલક ચાલુ ડમ્પરે કુદી પડયો હતો
(વર્તમાન પ્રવાહ વાપી બ્યુરો)
વાપી, તા.10: વલસાડ કુંડી હાઈવે બ્રિજ પાસે શનિવારે બપોરે ગંભીર અકસ્માત સર્જાયો હતો. સુરત તરફથી બેફામ આવી રહેલ રેતી ડમ્પર ચાલકે ફસ્ટ ટેકમાં ચાલતી બે કારોને ટક્કર મારી દેતા અકસ્માત સર્જાયો હતો. અકસ્માતમાં બે કારમાં સવાર બે પરિવારોનો આબાદ ચમત્કારિક બચાવ થયો હતો.
હાઈવે ઉપર ડમ્પર ચાલકો ફાટીને ધુમાડે જઈ રહ્યા છે. વારંવાર અકસ્માતો સર્જી રહ્યા છે. શનિવારે બપોરે સુરત તરફથી આવી રહેલ ડમ્પર નં.જીજે 16 એવી 8871નો ચાલક બેફામ ડ્રાઈવિંગ કરી રહ્યો હતો ત્યારે કુંડી ફાટક વલસાડ હાઈવે ઉપર પહેલી ટ્રેક ઉપર ચાલી રહેલી બે કારને ટક્કર મારી ડમ્પરડિવાઈડર કુદી ગયું હતું. અકસ્માત સર્જી ડમ્પર ચાલક ચાલુ ડમ્પરે કુદી પડયો હતો. સદ્દનસીબે બન્ને કારમાં સવાર બે પરિવારોનો આબાદ બચાવ થયો હતો. પોલીસે ડમ્પરને ખસેડીને ટ્રાફિક જામ દુર કર્યો હતો. વલસાડ હાીવે અકસ્માત ઝોન બની ગયેલ છે. સરેરાશ રોજ એક અકસ્માત થતો રહે છે.