(વર્તમાન પ્રવાહ ન્યુઝ નેટવર્ક)
પારડી, તા.12: વર્ષ 2018માં પારડીના ચંદ્રપૂર હાઈવેના સર્વિસ રોડ પર દિવ્યેશભાઈ માંગેલાની પાર્ક કરેલી હાઈવા ટ્રક નં.જીજે-15-એટી-5511 ની કિંમત રૂા.25,00,000 ની ચોરી થઈ હતી. જે કેસમાં પોલીસે અગાઉ ટ્રક ચોરી કરનાર ઓમ પ્રકાશ શંભુજી મારવાડી રહે.નાગોર રાજસ્થાનની ધરપકડ કરી હતી. પરંતુ તેની સાથે કારમાં આવી ટ્રક ચોરીમાં ભાગીદાર રહેલો હુકમચંદ ઉર્ફે હૂકમારામ કેશુજી ભવરજી બાવરી ઉવ 46 રહે.રાજસ્થાન, પીસાગન અજમેર પોલીસની નાસતો ફરતો હતો. ત્યારે આ હુકમચંદ વાપીમાં આવ્યો હોવાની એલસીબીને મળેલી માહિતી આધારે તેને ઝડપી પાડ્યો હતો અને પારડી પોલીસને સોંપવામાં આવતા પારડી પોલીસે તેની કાયદેસરની ધરપકડ કરી વધુ કાર્યવાહી હાથ ધરી છે. આ ઝડપાયેલો આરોપીએ વર્ષ 2017-18માં અમદાવાદથી પણ પાંચેક જેટલા ડમ્પર ચોરી કર્યા હતા. જેનીઅમદાવાદમાં ધરપકડ બાદ સેન્ટ્રલ જેલની હવા ખાઈ ચૂકયો છે. ત્યારે આ રીઢા ચોર પાસેથી ચંદ્રપુરથી ચોરેલી ટ્રક કયાં અને કોને વેચી તેની સાથે બીજુ કોણ સામેલ છે જેવી પૂછપરછ પારડી પોલીસ કરી રહી છે.
