ફાયર બ્રિગેડ અને એનિમલ રેસ્ક્યુ ટીમ અને ટીન્કુ મેમોરીયલની ટીમે બે કલાક રેસ્ક્યુ અભિયાન ચલાવ્યું
(વર્તમાન પ્રવાહ વાપી બ્યુરો)
વાપી, તા.24: વાપી ગુંજન સિવિલ લાઈન રમઝાનવાડીથી પસાર થતી બિલખાડીમાં શનિવારે એક ગૌમાતા ભૂલથી ખાડીમાં પડી ગઈ હતી. બહાર નિકળવા તરફડીયા મારી રહીહતી. લોકોને જાણ થતા એનિમલ જીવદયા પ્રેમીઓની ટીમે ઘટના સ્થળે દોડી આવીને ખાડીમાં પડી ગયેલ ગૌમાતાનું રેસ્ક્યુ કરીને જહેમત બાદ ઉગારી લેવાઈ હતી.
વાપી રમઝાનવાડી છરવાડામાંથી પસાર થતી બિલખાડીમાં શનિવારે એક ગૌમાતા 10 થી 15 ફૂટ ઊંડી ખાડીમાં પડી ગઈ હતી. સ્થાનિકોએ એકઠા થઈ જીઆઈડીસી ફાયર બ્રિગેડ, એનિમલ રેસ્ક્યુ ટીમ વાપી તથા ટીન્કુ મેમોરિયલ ટ્રસ્ટને જાણ કરી હતી. તુરંત જીવદયા પ્રેમિઓ ઘટના સ્થળે ધસી આવી ઘટના સ્થળે રેસ્ક્યુ ઓપરેશન ચાલું કર્યું હતું. પાસે કાર્યરત જે.સી.બી.ની મદદથી અંતે બે કલાકની જહેમત બાદ ગૌમાતાને ખાડીમાંથી હેમખેમ ઉગારી લેવાઈ હતી. રહેઠાણ વચ્ચે પસાર થતી બિલખાડીને પ્રોટેકશન વોલ કે જાળી લગાવી જરૂરી છે તેવી સ્થાનિકોએ માંગ કરી હતી નહીતર અવાર નવાર અકસ્માત બની શકે એમ છે.
