(વર્તમાન પ્રવાહ વાપી બ્યુરો)
વાપી, તા.04: વલસાડ હાઈવે ઉપર ઈસુના નવા વર્ષથી પ્રત્યેક દિવસે એક અકસ્માત સર્જાતો રહે છે. તેવો વધુ એક અકસ્માત બુધવારે રાત્રે મુંબઈ તરફ જઈ રહેલો આઈશર ટેમ્પો ડિવાીડર ઉપર ચઢીને પલટી મારી ગયો હતો. ટેમ્પોમાં ટામેટા ભરેલા હોવાથી ટામેટા રોડ ઉપર પથરાઈ ગયા હતા. ડ્રાઈવર-ક્લિનરને લોકોએ બચાવી લીધા હતા.
વલસાડ સરોધી પાસે નેશનલ હાઈવે ઉપર બુધવારે રાત્રે મુંબઈ નાલાસોપારા ટામેટાનો જથ્થો ખાલી કરવા માટે ટેમ્પો નં. એમ.એચ. 48 એવાય 6460 જઈ રહ્યો હતો, તે દરમિયાન ડ્રાઈવરે સ્ટેયરીંગ ઉપરથી કાબુ ગુમાવતા ટેમ્પો ડિવાઈડર સાથે ભટકાઈને પલટી મારી ગયો હતો. અકસ્માતમાં ડ્રાઈવર-ક્લિનર કેબીનમાં ફસાઈ ગયા હતા. વાહન ચાલકો અને સ્થાનિકોએ સલામત પૂર્વક બહાર કાઢયા હતા. અકસ્માતને લઈ થયેલ ટ્રાફિકને પોલીસે માલ સામાન ખસેડી ટ્રાફિક પૂર્વવત કર્યો હતો. વલસાડ હાઈવે અકસ્માત ઝોન બની ગયો છે. રોજનો એક અકસ્માત થતો રહે છે.