(વર્તમાન પ્રવાહ ન્યુઝ નેટવર્ક)
સેલવાસ, તા.04 : દાદરા નગર હવેલીમાં પ્રશાસકશ્રીના માર્ગદર્શન હેઠળ આયોજન અને વિકાસ મંડળ દ્વારા જિલ્લામાં મકાન બાંધકામને લગતી સરકારી પ્રક્રિયા બાબતની તમામ સેવાઓ ઓનલાઇન કરી દેવામાં આવી છે.
આયોજન અને સતા મંડળ દાનહની કચેરી દ્વારા બહાર પાડવામાં આવેલ અખબારી યાદીમાં જણાવાયા પ્રમાણે આજથી બાંધકામ પરવાનગી, પ્લીન્થ લેવલ પ્રમાણપત્ર, ભોગવટા પ્રમાણપત્ર અને આર્કિટેક્ટ અને એન્જિનિયરની નોંધણીની સેવાઓ તાત્કાલિક અસરથી ઓનલાઇન કરી દેવામાં આવી છે. નાગરિકો અધિકળત વેબસાઈટ www.dnhpda.in દ્વારા બાંધકામ પરવાનગી, પ્લીન્થ લેવલ પ્રમાણપત્ર, ઓક્યુપેન્સી સર્ટિફિકેટ અને એન્જિનિયરને લગતી ઓનલાઇન નોંધણીની સેવાઓનો લાભ લઈ શકે છે. ઓનલાઇન માળખામાં ફેરફાર સુલભતા વધારવા, પ્રક્રિયાઓને સુવ્યવસ્થિત કરવા અને સેવા વિતરણમાં કાર્યક્ષમતા સુનિﾍતિ કરવા માટે ડિઝાઇન કરવામાં આવી છે. www.dnhpda.in પર ઉપલબ્ધ યુઝર-ફ્રેન્ડલીઇન્ટરફેસ અપનાવવા નાગરિકોને પ્રોત્સાહિત કરવામાં આવે છે.
અત્રે ઉલ્લેખનીય છે કે છેલ્લા સાત વર્ષમાં સંઘપ્રદેશ પ્રશાસને ધીરે ધીરે વિવિધ સેવાઓને ઓનલાઇન કરી છે. જેના કારણે લોકોના કામો આસાનીથી ઘરબેઠા થઈ રહ્યા છે. જે વહીવટી માળખાની પારદર્શિતા પ્રત્યેની પ્રતિબદ્ધતાને પ્રતિબિંબીત કરે છે.
