(વર્તમાન પ્રવાહ ન્યુઝ નેટવર્ક)
દીવ, તા.19: કેન્દ્ર શાસિત પ્રદેશ દીવ ખાતે લોકસભાની ચૂંટણીને લઈને સતત બેઠકો અને પ્રચારનો દોર ચાલુ છે, ત્યારે આજે સાંજે પાંચ કલાકે વણાકબારા રાધિકા ફિશીંગ ખાતે ભવ્ય મહિલા મિટિંગનું આયોજન કરવામાં આવ્યું હતું. બેઠક દરમિયાન લોકસભાની ચૂંટણીને અનુલક્ષીને મહિલાઓને ત્રીજીવાર નરેન્દ્ર મોદીને પ્રધાનમંત્રી બનાવવા માટે આહવાન કર્યું હતું. આ પ્રસંગે ભારતીય જનતા પાર્ટીના ડો.હરેશ સોલંકી, પૂંજાભાઈ બામણીયા, રામજી પારસમણિ, ભીખાભાઈ વૈશ્ય, મોહનભાઈ લખમણ કમળાબેન બામણીયા વગેરેએ લોકસભા ચૂંટણીમાં બીજેપીનો બહુમતીથી વિજય થાય તે માટે મહિલાઓને જણાવ્યું હતું. સાથે બીજેપી સરકાર દ્વારા જે યોજનાઓ અમલમાં લાવવામાં આવી તેની પણ માહિતી અપાઈ સાથે બાકી રહેલ કામો પણ બીજેપીની સરકાર પૂર્ણ કરશે તેવું આશ્વાસન આપ્યું હતું. સમગ્ર બેઠકનું સંચાલન જીવનભાઈ દ્વારા કરવામાં આવ્યું હતું. આભારવિધિ નરસિંહભાઈ દ્વારા કરવામાં આવી હતી.
