સંઘપ્રદેશની સુખ, શાંતિ, સમૃદ્ધિ અને આરોગ્યમય ભવિષ્યની કરેલી કામના
(વર્તમાન પ્રવાહ ન્યુઝ નેટવર્ક)
દમણ,તા.19: નાની દમણ કોસ્ટલ હાઇવે, કોળી પટેલ સમાજ હોલ નજીક આવેલા શ્રી અયપ્પા મંદિરના 12મા ‘પ્રતિષ્ઠા દિનમ મહોત્સવ’ના શુભ પ્રસંગે દમણ-દીવના સાંસદ શ્રી લાલુભાઈ પટેલ ઉપસ્થિત રહ્યા હતા. આ પ્રસંગે શ્રી લાલુભાઈ પટેલે અયપ્પા મંદિરમાં શીશ નમાવી સંઘપ્રદેશ દાદરા નગર હવેલી અને દમણ-દીવની સુખ, શાંતિ, સમૃદ્ધિ તથા આરોગ્યમય ભવિષ્યની કામના કરી હતી અને ભગવાનના આશીર્વાદ મેળવ્યા હતા. આ શુભ પ્રસંગે દમણ જિલ્લા ભાજપ ઉપાધ્યક્ષ શ્રી કલ્પેશ સીતારામ, અયપ્પા મંદિરના વડા શ્રી લીલાધરન, સેક્રેટરી શ્રી જી. બાલચંદ્રન અને સમિતિના સભ્યો અને ભક્તો ઉપસ્થિત રહ્યા હતા.
