(વર્તમાન પ્રવાહ ન્યુઝ નેટવર્ક)
પારડી, તા.19: પારડી તાલુકાના ઉદવાડા ગામ ખાતે ઈરાનશા રોડ ખાતે આવેલા મકાનમાં રહેતા હિલ્લા પેશોતન સીધવા ઉવ 80 અને તેમના પતિ પેશોતન નરોતમ સીધવા ઉવ 86 ના ઘરને ગત શનિવારના રાતે કોઈ બેકોફ ચોરોએ નિશાન બનાવ્યું હતું અને ઘરમાં આ દંપતી સૂતા હોવા છતાં ચોરોએ ઘરના ટેરેસના દરવાજા પાસે બાકોરું પાડી ઘરમાં પ્રવેશી ઘરમાં રાખેલા અલગ અલગ કબાટ અને તિજોરીમાંથી તેમજ કપડા વચ્ચે અને પર્સમાં મૂકેલા અલગ અલગ રોકડા રૂપિયા 4,00,000 લાખની ચોરી કરી ચોરો ફરાર થઈ ગયા હતા. સવારે ઉઠી જોતાં ઘરમાં અલગ અલગ રાખેલા રોકડા રૂપિયા ગાયબ જણાતા તેઓએ પારડી પોલીસને જાણ કરતા પારડી પોલીસ તાત્કાલિક ઘટના સ્થળે પહોંચી ચોરને ઝડપવા માટે ચક્રો ગતિમાન કર્યા છે. જોકે ચોરોએ ફકત રૂપિયા લઈ જઈ કબાટમાં રાખેલુંસોનુ પણ છોડી ગયા હોય અને કબાટના કપડાં પણ વધુ ઉથલ પાથલ ના થયા હોવાથી પોલીસના મતે કોઈ જાણ ભેદું ચોર હોવાનું મનાઈ રહ્યું છે.
Previous post