November 30, 2025
Vartman Pravah
Breaking Newsડિસ્ટ્રીકટદમણદીવદેશસેલવાસ

સંઘપ્રદેશના આરોગ્‍ય અને પરિવાર કલ્‍યાણ વિભાગ દ્વારા સેલવાસની નમો મેડિકલ કોલેજ અને નર્સિંગ તથા એલાઈડ હેલ્‍થ સાયન્‍સના વિદ્યાર્થીઓનો સમર્પણ કાર્યક્રમ

આજે સંઘપ્રદેશના પ્રશાસક પ્રફુલભાઈ પટેલના મુખ્‍ય અતિથિ પદે વ્‍હાઈટ કોટ, લેમ્‍પ લાઈટનિંગ અને ગ્રેજ્‍યુએશન સેરેમનીનો કાર્યક્રમ યોજાશે

(વર્તમાન પ્રવાહ ન્‍યુઝ નેટવર્ક)
દમણ, તા.28 : આવતી કાલે સવારે 10:30 કલાકે સંઘપ્રદેશ પ્રશાસનના આરોગ્‍ય અને પરિવાર કલ્‍યાણ વિભાગ દ્વારા સમર્પણ – શૈક્ષણિક વર્ષ 2023-‘24 અંતર્ગત મેડિકલ એજ્‍યુકેશન વિભાગના વ્‍હાઈટ કોટ, લેમ્‍પ લાઈટનિંગ અને ગ્રેજ્‍યુએશન સેરેમનીનું સેલવાસ, ડોકમરડી ખાતે આવેલ ડો. એ.પી.જે. અબ્‍દુલ કલામ ગવર્નમેન્‍ટ કોલેજના ઓડિટોરિયમમાં આયોજન કરવામાં આવ્‍યું છે. જેના મુખ્‍ય અતિથિ તરીકે સંઘપ્રદેશના પ્રશાસક શ્રી પ્રફુલભાઈ પટેલ ઉપસ્‍થિત રહેવાના છે.
અત્રે યાદ રહે કે, 2019ના શૈક્ષણિક વર્ષથી સેલવાસની નમો મેડિકલ અને રિસર્ચ ઈન્‍સ્‍ટિટયૂટ ખાતે એમ.બી.બી.એસ.ના પ્રથમ વર્ષના અભ્‍યાસનો આરંભ થયો હતો. 2024ના વર્ષમાં એમ.બી.બી.એસ.ના વિદ્યાર્થીઓનો પ્રથમ બેચ ડોક્‍ટર બનીને બહાર નિકળશે.
દાદરા નગર હવેલી અને દમણ-દીવ માટે મેડિકલ કોલેજ સ્‍થાપવા માટે આપેલી મોદીની ગેરંટી પૂર્ણ થઈ છે અને જે વિકાસકામનુંપ્રધાનમંત્રી શ્રી નરેન્‍દ્રભાઈ મોદી ખાતમુહૂર્ત કરે છે તેનું ઉદ્‌ઘાટન તેઓ જ કરતા હોવાનું નમો મેડિકલ કોલેજના કરાયેલા ભવ્‍ય ઉદ્‌ઘાટનથી પણ સત્‍ય સાબિત થયું છે. દાદરા નગર હવેલી અને દમણ-દીવના લગભગ તમામ પ્રોજેક્‍ટો મોદીની ગેરંટી હેઠળ પૂર્ણ થયા છે.
સંઘપ્રદેશના પ્રશાસક શ્રી પ્રફુલભાઈ પટેલની મહત્‍વાકાંક્ષી યોજના પૈકી નમો મેડિકલ કોલેજ તથા કોલેજ ઓફ નર્સિંગ એન્‍ડ ઈન્‍સ્‍ટિટયૂટ ઓફ એલાઈડ હેલ્‍થ સાયન્‍સસિસના વિદ્યાર્થીઓના વ્‍હાઈટ કોટ, લેમ્‍પ લાઈટનિંગ અને ગ્રેજ્‍યુએશન સેરેમનીના કાર્યક્રમમાં પ્રશાસકશ્રીની ઉપસ્‍થિતિથી વિદ્યાર્થીઓ, સ્‍ટાફ અને વાલીઓમાં આનંદ અને ઉત્‍સાહની લાગણી ઝળકી ઉઠશે એમાં કોઈ સંદેહ નથી.

Related posts

દીવની ટ્રેડ યુનિયન એન્‍યુઅલ જનરલ મિટીંગ યોજાઈ

vartmanpravah

ભીલાડ-સંજાણમાં સામાન્ય વહીવટ વિભાગના સચિવ રાકેશ શંકરની ઉપસ્થિતિમાં પ્રવેશોત્સવ ઉજવાયો

vartmanpravah

નગવાસથી સુરજીભાઇ ગુમ

vartmanpravah

લાયન્‍સ ક્‍લબ અને શ્રી રાણા સમાજદમણ, દ્વારા મોટી દમણ ખાતે આયોજીત સ્‍વાસ્‍થ્‍ય યજ્ઞમાં 245 દર્દીઓએ લીધેલો લાભ: જરૂરિયાતમંદોને વોકર, વોકિંગ સ્‍ટીક તથા ચશ્‍માનું કરેલું નિઃશુલ્‍ક વિતરણ

vartmanpravah

વાપી કે.બી.એસ. એન્‍ડ નટરાજ કોલેજને ‘‘શ્રેષ્ઠ એન.એસ.એસ. કૉલેજ” પુરસ્‍કાર એનાયત થયો

vartmanpravah

બગવાડા હાઈવે પર કન્‍ટેનર પાછળ BMW કાર ઘૂસી જતા કારનો ખુરદો: એર બેગ ખુલી જતા કારમાં સવાર તમામનો સામન્‍ય ઈજા સાથે બચાવ

vartmanpravah

Leave a Comment