બંને વૃદ્ધાને લાકડીથી માર મારી રૂા.3,78,000ની મત્તા લૂંટી ચાર જેટલા ગુજરાતી ભાષી લૂંટારૂઓ ફરાર
(વર્તમાન પ્રવાહ ન્યુઝ નેટવર્ક)
પારડી, તા.14: પારડી તાલુકાના પલસાણા ગામ દેસાઈ ફળિયા ખાતે ઉષાબેન મહેશભાઈ જોશી ઉંમર વર્ષ 72 તથા તેમની નણંદ સાવિત્રીબેન ગુણવંતભાઈ દેસાઈ આ બંને વૃદ્ધાઓ એકલી પોતાના ઘરોમાં રહે છે ગઈકાલે એટલે કે આજે વહેલી સવારે આશરે 2:30 થી 3:30 દરમિયાન ગુજરાતી ભાષા બોલતા ચાર જેટલા ઈસમો ઘરના પાછળના દરવાજાની કડી તોડી ઘરમાં પ્રવેશી આ બંને વૃદ્ધાઓને તમે જે ઘરેણા પહેર્યા છે તે અને અન્ય ઘરેણા આપી દેવાનું ગુજરાતીમાં જણાવ્યું હતું પરંતુ બંને વૃદ્ધાએ ઘરેણા ન આપતા ચાર પૈકી બે ઈસમોએ પોતાની સાથે લઈને આવેલ લાકડીના ફટકા બંને વૃદ્ધાને મારતા બંને એ પોતાના હાથમાં પહેરેલ સોનાના પાટલા જેમાંનણંદે પહેરેલ ચાર તોલાના સોનાના પાટલા કિંમત રૂપિયા 1,20,000, સોનાની બુટ્ટી રૂા.20,000 અને ઉષાબેને પહેરેલ સોનાના પાટલા બે તોલાના કિંમત રૂા.80,000 કઢાવી લઈ ત્યારબાદ ગાદલા નીચે રાખેલ કબાટની ચાવી લઈ કબાટમાંથી રોકડા રૂા.50000, સોનાની અઢી તોલાની ચેન કિંમત એક લાખ રૂપિયા અને બે મોબાઈલ 8000 રૂપિયા મળી કુલ 3 લાખ 78 જેટલી રકમની લૂંટ ચલાવી કોઈને કહેશો તો માર મારવાની ધમકી આપી ચાલી ગયા હતા. ત્યારબાદ ઉષાબેને તેમના સસરા દેવુંભાઈને ફોન કરી બોલાવતા તેઓ ઘરે આવ્યા બાદ પારડી પોલીસ સ્ટેશનને આવી બનાવની જાણ કરી હતી.