(વર્તમાન પ્રવાહ વાપી બ્યુરો)
વાપી, તા.26: વાપી ઔ.વ. વાપી કેન્દ્ર શાળા વાપીના શિક્ષિકા શાલિનીબેન વશીનો નિવૃત્ત શુભેચ્છા સમારોહ ઔ.વ. વાપી ખાતે તા.23-03-2024ના રોજ યોજાયો હતો. સમારોહના પ્રમુખ પદે શ્રી કનુભાઈ દેસાઈ (નાણાં ઊર્જા અને પેટ્રોકેમિકલ કેબિનેટ મંત્રી, ગુજરાત રાજ્ય) ઉદ્ધાટક જ્યોતિબેન વશી (પ્રાધ્યાપકઃ મહિલા અધ્યાપન વાપી) મુખ્ય મહેમાન શ્રી હેમંત ટી. દેસાઈ (પ્રમુખ નિવૃત્ત કર્મચારી સેવા મંડળ, વાપી તાલુકા) અતિથિ વિશેષ- પરેશ દેસાઈ- (વાપી તાલુકા પ્રભારી) દર્પણ દેસાઈ હતા. (કોષાધ્યક્ષ, વાપી શહેર) શૈલેષ રોહિત- પ્રમુખ ટીચર્સ સોસાયટી, પારડી, વાપી) સ્વાગત પ્રાસંગિક પ્રવચન શાળાના આચાર્ય શ્રીમતી મીનાબેન આહિરે કર્યું હતું. ઉપસ્થિત મહાનુભાવોએ એમની શિક્ષિકા તરીકેની કામગીરીને બિરદાવી હતી. વિદાય લેતા શાલિનીબેનને શાલ અર્પણ કરી, સ્મૂતિભેટ આપી સન્માન કરવામાં આવ્યું હતું. આભારવિધિ દીપિકાબેને કરી હતી.