(વર્તમાન પ્રવાહ ન્યુઝ નેટવર્ક)
પારડી, તા.01: પારડી તાલુકાના પરીયા ભીનાર ફળિયા ખાતે રહેતા દીપકભાઈ ધનજીભાઈ પટેલ ગઈકાલે સાંજે પોતાની એકટીવા મોપેડ નંબર જીજે 15 ડીજી 9665 લઈ ડુંગરી ગામ ખાતે કામ અર્થે ગયા હોય ત્યાંથી પરત સાંજે ફરી રહ્યા હતા. આ દરમિયાન પરીયા લાંધિયા ફળિયા નેશનલ હાઇવે નંબર 848 પર એક મારુતિ સ્વિફટ નંબર જીજે 15 સીજી 9547 ના ચાલકે ગફલતભરી રીતે અને પૂરપાટ ઝડપે ગાડી હકારી એકટીવા ચાલક દીપકભાઈને અડફતે લેતા તેઓને માથાના ભાગે તથા શરીરના ભાગે ગંભીર ઈજાઓ થતા 108 વડે પારડીહોસ્પિટલ ખાતે સારવાર માટે લઈ જવાતા ફરજ પરના ડોક્ટરોએ તેમને મૃત જાહેર કર્યા હતા જ્યારે મારુતિ સ્વિફટ ચાલક ગાડી છોડી ભાગી છુટયો હોય રાજનભાઈ દીપકભાઈ પટેલએ પારડી પોલીસ સ્ટેશનમાં તેમના વિરુદ્ધ ફરિયાદ નોંધાવતા પારડી પોલીસે કારચાલક વિરુદ્ધ ગુનો નોંધી તેમની ધરપકડના ચક્રો ગતિમાન કર્યા છે.
