(વર્તમાન પ્રવાહ ન્યુઝ નેટવર્ક)
સેલવાસ,તા.05: દાદરા નગર હવેલીના રખોલી ખાતે આવેલ આર.આર.ગ્લોબલ ગ્રુપની આર.આર.કેબલ લિમિટેડ કંપનીમાં રક્તદાન શિબિરનું આયોજન કરવામાં આવ્યું હતું, જેમાં લાયન્સ ક્લબ ઓફ સિલવાસા અને ઈન્ડિયન રેડક્રોસ સોસાયટીનો મુખ્ય સહયોગ રહ્યો હતો. આ શિબિરમાં કંપનીના એજીએમ શ્રી આલોક સિંઘલ, ડીજીએમ શ્રી સુરેશ આસાવા, ડાયરેક્ટર શ્રી રાજેશ જૈન, એચઆર ડેપ્યુટી મેનેજર શ્રી દિનેશ મિશ્રા, આસિસ્ટન્ટ મેનેજર એડમીન શ્રી ગિરીશ પાન્ડા, એજીએમ શ્રી રાજીવ મહેશ્વરી, શ્રી ગોપાલ જરકુટિયા (મામા) સહિત દરેક વિભાગના એચઓડી અને દાનહમાં સ્થિત આર.આર.ગ્લોબલ ગ્રુપના દરેક ચાર યુનિટના કર્મચારીઓ અને કામદારોએ ઉત્સાહપૂર્વક ભાગ લીધો હતો અને મહાદાન એવા રક્તનું દાન કર્યું હતું. જેમાં 112યુનિટ જેટલું રક્ત એકત્રિત થયું હતું.
આ શિબિર આયોજનનો મુખ્ય હેતુ પ્રદેશમાં રક્તની જે અછત વર્તાય છે તેને પહોંચી વળવા માટે સંસ્થા અને કંપનીઓ દ્વારા કરવામાં આવે છે. આ શિબિરમાં મહિલાઓએ પણ રક્તદાન કરી સિંહફાળો આપ્યો હતો. આ અવસરે કંપનીના સંચાલકો, ઈન્ડિયનરેડક્રોસ સોસાયટીનો સ્ટાફ, કર્મચારીઓ અને લાયન્સ ક્લબ ઓફ સિલવાસાના ચેરમેન નીલમ ઝવેરી, સભ્ય ભરત તન્ના વગેરે ઉપસ્થિત રહ્યા હતા.
