આસુરા ગામે પોલીસ કાર્યવાહી : 432 બોટલ દારૂ સાથે રોકડા મળીઆવતા-પત્ની આશાબેનની અટક પતિ રાજુ શાહુ વોન્ટેડ
(વર્તમાન પ્રવાહ વાપી બ્યુરો)
વાપી, તા.09: ધરમપુર આસુરાના જમાદાર ફળીયામાં પોલીસે રેડ કરીને દારૂનો જથ્થો શૌચાલયના માળીયામાં છુપાવેલો તેમજ રસોડામાં લાખો રૂપિયા રોકડા ઝડપી પાડયા હતા.
ધરમપુર પોલીસ પી.આઈ. આર.કે. દેસાઈને મળેલી બાતમી આધારે આસુરા ગામના જમાદાર ફળીયામાં રેડ કરી હતી. બાતમી આધારે રાજુ રામમોહન શાહુના ઘરે કાર્યવાહી હાથ ધરી હતી પરંતુ ઘરે તાળુ હતું તેથી આજુબાજુમાં તપાસ કરતા રાજુભાઈ શાહુના પત્ની આશાબેન મળી આવ્યા હતા. તેથી પોલીસે ઘર ખોલાવી ચાંપતી તપાસ હાથ ધરી હતી. તપાસમાં પોલીસ ચોંકી ગઈ હતી. તેવી વિગતો બહાર આવી હતી. શૌચાલયના માળીયામાંથી 432 બોટલ દારૂનો જથ્થો તથા રસોડામાંથી રોકડા રૂપિયા 4 લાખ મળી આવ્યા હતા. દારૂનો જથ્થો તથા રોકડા મળીને કુલ રૂા.4.31 લાખનો મુદ્દામાલ જપ્ત કર્યો હતો. આરોપી આશાબેન જાદવની અટક કરી હતી. તેમજ પતિ રાજુભાઈ રામમોહન શાહુને વોન્ટેડ જાહેર કરી કાયદેસરની કાર્યવાહી કરવામાં આવી હતી.
