બોટ સાથે પોલીસે 1.67 લાખનો મુદ્દામાલ જપ્ત કરી ત્રણ સામે કાર્યવાહી કરી
(વર્તમાન પ્રવાહ વાપી બ્યુરો)
વાપી, તા.25
દમણથી ગુજરાતમાં દારૂ ઘુસાડવાના અનેક રસ્તા બુટલેગરો અજમાવતા હોય છે. તેમાં ક્યારેક દરિયા માર્ગે પણ દારૂ હેરાફેરી કરાય છે તેવો વધુ એક બનાવ વલસાડના નાની ભાગળ દરિયા કિનારે બોટમાં દમણથી લાવવામાં આવેલ દારૂનો જથ્થો પોલીસે ઝડપી પાડયો હતો.
ડુંગરી પોલીસને મળેલી બાતમી આધારે વલસાડ નાની ભાગળ દરિયા કિનારે સ્મશાન ભૂમિ પાસે રેડ કરીને દમણથી બોટમાં લવાયેલ 816 નંગ દારૂનો જથ્થો ઝડપી પાડયો હતો. પોલીસને જોઈ જતા બોટના ત્રણ ખેપીયા ભાગી છૂટયા હતા પરંતુ નિતિન શાંતિલાલ ટંડેલને પોલીસ ઓળખી ગઈ હતી તેથી પોલીસે કોટીયા બોટ અને દારૂના જથ્થા સાથે 1.67 લાખનો મુદ્દામાલ જપ્ત કરી ત્રણ આરોપી વિરૂધ્ધ કાર્યવાહી કરી હતી.
