1987થી 2019 વચ્ચે યોજાયેલી 10 લોકસભાની ચૂંટણીમાં દેવજીભાઈ ટંડેલ એકમાત્ર અપક્ષ તરીકે વિજેતા બનનારા ઉમેદવાર
(વર્તમાન પ્રવાહ ન્યુઝ નેટવર્ક)
દમણ, તા.09 : લોકસભાની દમણ અને દીવ બેઠક માટે નવેમ્બર, 1987માં પેટા ચૂંટણી યોજાયા બાદ 8મી લોકસભાનો કાર્યકાળ 1984 થી 1989 પૂર્ણ થતાં 9મી લોકસભાની ચૂંટણી નવેમ્બરમાં યોજાઈ હતી.
દમણ અને દીવ લોકસભાની બેઠક માટે અપક્ષ ઉમેદવાર શ્રી દેવજીભાઈ કે. ટંડેલનો કોંગ્રેસના ઉમેદવાર શ્રી ગોપાલભાઈ કે. ટંડેલ (દાદા) સામે વિજય થયો હતો. દેવજીભાઈ ટંડેલને 15,647 મત મળ્યા હતા, જ્યારે ગોપાલ દાદાને 13,807 મત મળ્યા હતા. આ ચૂંટણીમાં દેશના સુપ્રસિદ્ધ ધારાશાષાી શ્રી રામ જેઠમલાણીની ધારાશાષાી દિકરી શ્રીમતી રાણી જેઠમલાણીએ પણ પોતાની ઉમેદવારી કરી હતી. શ્રીમતી રાણી જેઠમલાણીને 6,732 મત મળ્યા હતા.
દમણ અને દીવ લોકસભા બેઠક માટે 1987થી 2019 સુધી થયેલ કુલ 10 ચૂંટણીમાં શ્રી દેવજીભાઈ ટંડેલ એકમાત્ર અપક્ષ તરીકે વિજેતા બનનારા સાંસદ છે.