(વર્તમાન પ્રવાહ વાપી બ્યુરો)
વાપી, તા.09: વાપીની ઈનરવ્હીલ ક્લબના પ્રોજેક્ટ‘આઈઆઈએલએમ’ હેઠળ વાપીની ચલા મુખ્ય શાળામાં 40 બેન્ચ, તીઘરા પ્રાથમિક શાળામાં 20 બેન્ચ તથા મોટાપોંઢા ખાતે આવેલ ગાંધી આશ્રમમાં 40 બેન્ચ મળી કુલ 100 બેન્ચની સુવિધા પુરી પાડવામાં આવી હતી. ઈનરવ્હીલ ક્લબના ડિસ્ટ્રીક્ટ 306 2023-24ના ડિસ્ટ્રીક્ટ ચેરમેન ડો. તેજલબેન દેસાઈના નેજા હેઠળ આ 100 બેન્ચનું વિતરણ કરવામાં આવ્યું હતું.
આ પ્રસંગે ક્લબના પ્રમુખ પ્રીતિબેન જે. દેસાઈ, સેક્રેટરી રેખાબેન ભંડારી, પીડીસી મીરાબેન રોય, પીપી વિજયાબેન પટેલ, અનિતાબેન ગુપ્તા, ગુનમાલાબેન તથા રીટાબેન ભાયાણી ઉપસ્થિત રહ્યા હતા. આ પ્રોજેક્ટમાં દાન આપનારા દાતાશ્રીઓનો આભાર વ્યક્ત કરાયો હતો.