(વર્તમાન પ્રવાહ વાપી બ્યુરો)
વાપી, તા.10: વલસાડ નજીક આવેલ ધડોઈ ગામમાં સવારે વહુકપડા સુકવતી હતી ત્યારે કરંટ લાગતા બુમાબુમ કરતા સાસુ વહુને બચાવવા દોડી તેથી તેમને કરંટ લાગતા ઘટના સ્થળો મોત નિપજ્યું હતું.
ધડોઈ ગામે નાયકાવાડમાં રહેતા દેવીબેન શગરભાઈ નાયકા પરિવાર સાથે રહે છે. બુધવારે ઘરના પુરુષો કામધંધે નિકળી ગયા હતા. વહુ ગીતાબેન નાયકા કપડા ધોઈને વિજ વાયર નજીક કપડા સુકવતી હતી તે દરમિયાન અચાનક વિજ સપ્લાય ચાલુ થઈ જતા ગીતાબેનને કરંટ લાગતા બુમાબુમ કરી હતી. વહુને બચાવવા સાસુ દેવીબેન ઘરમાંથી દોડી આવ્યા પરંતુ કુદરતને જુદુ જ મંજુર હતું. દેવીબેનને વહુ ગીતાબેનને બચાવવા જતા કરંટ લાગતા ઘટના સ્થળે મોત નિપજ્યું હતું. જ્યારે કરંટથી દાઝેલા ગીતાબેનને સારવાર માટે મોકલી અપાયા હતા. બનાવને લઈ ગામમાં હાહાકાર મચી જવા પામ્યો હતો. વિજ કંપનીને જાણ કરતા ઘટના સ્થળે પહોંચી વધુ તપાસ હાથ ધરી હતી.