રસાકસી માત્ર કોંગ્રેસ-ભાજપ વચ્ચે છે, બાકીના ઉમેદવારો ડિપોઝીટ સાચવવાની ત્રેવડમાં નથી
(વર્તમાન પ્રવાહ વાપી બ્યુરો)
વાપી, તા.23: વલસાડ-ડાંગ લોકસભાની સામાન્ય ચૂંટણી આગામી તા.7 મેના રોજ યોજાઈ રહી છે તે પહેલા ફોર્મ ખેંચવાની અંતિમ તા.21 એપ્રિલે જિલ્લા લોકસભા ચૂંટણીનું ચિત્ર ક્લિયર થઈ ગયું હતું. ભાજપ-કોંગ્રેસ તેમજ ત્રણ અન્ય પાર્ટી અને બે અપક્ષ સહિત સાત ઉમેદવારોએ ચૂંટણી જંગમાં ઝંપલાવેલુ છે.
વલસાડ-ડાંગ લોકસભા બેઠક ઉપર ભાજપ તરફથી ધવલભાઈ લક્ષ્મણભાઈ પટેલ, કોંગ્રેસ તરફથી અનંતભાઈ હસમુખ પટેલ તેમજ બહુજન સમાજ પાર્ટી (બી.એસ.પી.)માં માનક જગુભાઈ શાંકર, જન રિપબ્લિક સોશિયલીસ્ટ પાર્ટીના ઉમેશ મગનભાઈ પટેલ, રોકેવીર ઈન્ડિયન પાર્ટીમાંથી જયંતિ ખંડુભાઈ શાલુ તથા બે અપક્ષ ઉમેદવાર, રમણ કરશનભાઈ પટેલ અને ચિરાગ ભરતભાઈ પટેલ નામના કુલ 7 ઉમેદાવરો વલસાડ-ડાંગ બેઠક ઉપર ચૂંટણી લડી રહ્યા છે. જો કે નોંધનીય છે કે, ચૂંટણીનો સીધો મુકાબલો ભાજપ-કોંગ્રેસ વચ્ચે છે. જ્યારે અન્ય પાંચ ઉમેદવારોની ડિપોઝીટ પણ બચશે કે કેમ તેવો સવાલ ઉભો થયો છે. 7મે મતદાનના દિવસે આ સાત ઉમેદવારો પૈકી મતદારો કોને કોને મત આપે છે તેનો ચૂકાદો તા.4 જૂનના રોજ ચૂંટણી પરિણામના દિવસે ચિત્રસ્પષ્ટ થઈ જશે.