પારડી પોલીસ સ્ટેશનના પીએસઆઈ જયદીપસિંહ સોલંકીએ કોલેજના 235 જેટલા વિદ્યાર્થીઓને ‘‘ઈ-એફઆઈઆર એપ તથા સાઈબર ક્રાઈમની” થી કર્યા વાકેફ
(વર્તમાન પ્રવાહ ન્યુઝ નેટવર્ક)
પારડી, તા.27
ગુજરાત રાજ્યગૃહ વિભાગ દ્વારા વિકસાવવામાં આવેલ સીટીઝન પોર્ટલ અને સીટીઝન ફર્સ્ટએપ્લિકેશન મોબાઈલ એપ મારફતે વાહન ચોરી કે મોબાઇલ ચોરી વિગેરે માટે અરજદારો અથવા નાગરિકોએ પોલીસ સ્ટેશનમાં જવાની જરૂરિયાત નથી પરંતુ ઈ.એફ.આઈ.આર. એપ દ્વારા ઓનલાઈન એફઆઈઆરની નોંધણી કોઈપણ જગ્યાએથી કરી શકાશે. આ ઉપરાંત એફઆઈઆરની તપાસ અંગેની જાણકારી એફઆઈઆરની કોપી પણ અરજદારોને તથા નાગરિકોને ઓનલાઈન મળી શકશે. આ ઉપરાંત તપાસ અધિકારી 30 દિવસમાં તપાસ પૂર્ણ કરી કોર્ટને મોકલશે. જેથી નાગરિકોને વિમાની રકમ મેળવવામાં સરળતા રહેશે તથા પોલીસ તથા અરજદાર અને નાગરિકોનો સમય પણ બચશે. આ ઉપરાંત હાલની પોલીસ સ્ટેશનની પ્રક્રિયા, તેની કાર્ય પ્રણાલી, થાણા અધિકારીની જવાબદારી, વિભાગીય પોલીસની જવાબદારી, નાયબ પોલીસ કમિશનની જવાબદારી, પોલીસ અધિક્ષકની જવાબદારી, સીટીઝન પોર્ટલ ડેસ્ટોપ સ્કીન, એફઆઈઆર મોબાઈલ એપ્લિકેશન સ્કીન, ડિસ્કલેમર સીટીઝન પોર્ટલ, નાગરિકો માટે ઈ-એફઆઈઆર ભરવાના ફોર્મ તથા સાયબર ક્રાઈમની માહિતી તેમાં થતી છેતરપિંડી તથા તેમાંથી બચવાના ઉપાયોની તમામ માહિતી ખૂબ જ સચોટ અને સરળ ભાષામાં પારડી પોલીસ સ્ટેશનના પી.એસ.આઈ જયદીપસિંહ સોલંકી દ્વારા પારડી જે.પી. પારડીવાલા કોલેજ ખાતે 235 થી વધુ વિદ્યાર્થીઓને આપવામાં આવી હતી. આ કાર્યક્રમમાંએનએસએસ પ્રોગ્રામ ઓફિસર મણીબેન સોલંકી, ઈન્ચાર્જ આચાર્ય ગંગાબેન, પારડી પોલીસ સ્ટેશનના પીએસઆઈ જયદીપસિંહ સોલંકી તથા તેમનો સ્ટાફ, પ્રોફેસર દિલીપભાઈ પટેલ, પ્રવીણભાઈ પટેલ વિગેરે ઉપસ્થિત રહી કાર્યક્રમ સફળ બનાવ્યો હતો.
