(વર્તમાન પ્રવાહ ન્યુઝ નેટવર્ક)
ચીખલી,(વંકાલ), તા.20: ચીખલીના થાલા વસુધારા ડેરી રોડ સ્થિત રિલાયન્સ પેટ્રોલપંપની સામે રહેતી ટીંકલબેન અંકુરભાઈ પટેલ (ઉ.વ-36) એ આપેલ ફરિયાદમાં જણાવ્યાનુસાર જે ગઈ તા.21-એપ્રિલ 24 ના રોજ ચીમલા ખાતે લગ્ન પ્રસંગમાં પરિવાર સાથે ગયા હતા અને 22-એપ્રિલના રોજ મોડી રાત્રીના દોઢેક વાગ્યાના સુમારે આવ્યા હતા. બાદ 24-એપ્રિલની સવારના સમયે ઘરમાં સેટીના ગાદલા નીચે પ્લાસ્ટિકના ડબ્બામાં મુકેલ ઘરેણા જેમાં સોનાના કંગન જોડ-1 આશરે વજન 2 તોલા કિ.રૂ.45,000/-, સોનાની ચેઇન નંગ-1 આશરે વજન 2 તોલા કિ.રૂ.45,000/- તેમજ સોનાની કાનની બુટ્ટી જોડ-1 આશરે વજન 5-ગ્રામ કિ.રૂ.5,000/- મળી કુલ્લે રૂ.95,000/- ની એક મહિના સુધી શોધખોળ કરતા મળી આવ્યો ન હતો. આખરે પરિવારને સોનાના ઘરેણા ભરેલ ડબ્બો કોઈ ચોર ઈસમ ચોરી કરીગયાનું જણાયુ હતું.
ઉપરોક્ત બનાવ બાબતે પોલીસે ટીંકલબેન પટેલની ફરિયાદ આધારે અજાણ્યા શખ્સો વિરૂધ્ધ ચોરીનો ગુનો નોંધી વધુ તપાસ પીએસઆઈ-એચ.એસ.પટેલ કરી રહ્યા છે.
