પાકા કામનો કેદી દિનેશ ગજેન્દ્ર મોહિતે લાજપોર મધ્યસ્થ જેલમાંથી જમ્પ કરેલ હતો
(વર્તમાન પ્રવાહ વાપી બ્યુરો)
વાપી, તા.23: વાપી ડુંગરા પોલીસે 1 વર્ષથીપેરોલ પરથી જંપ કરી એન.ડી.પી.એસ. ગુનાનો આરોપી એક વર્ષથી ફરાર હતો. પોલીસે કરમખલથી ઝડપી પાડી આગળની કાયદેસરની કાર્યવાહી હાથ ધરી હતી.
ડુંગરા પોલીસ સ્ટેશનના એન.ડી.પી.એસ. ગુનાના આરોપી દિનેશ ગજેન્દ્ર મોહિતેને ઝડપી પાડી જે તે સમયે એન.ડી.પી.એસ. કોર્ટે વલસાડમાં રજૂ કરાયેલો હતો. નામદાર કોર્ટે આરોપીને 10 વર્ષ કેદની સજા અને 1 લાખ દંડ બદલ 05 માસની સજા ફટકારી હતી તેથી પાકા કામ અને કેદીને લાજપોર મધ્યસ્થ જેલ સુરત ખાતે મોકલી આપેલ હતો. આરોપીને દિવસ 15 ની રજા ઉપર છોડવામાં આવ્યો હતો અને તા.26-04-23 ના રોજ હાજર થવાનું હતું પરંતુ કેદી દિનેશ મોહિતે હાજર થયેલ નહી ને પેરોલ જંપ કરી એક વર્ષથી નાસતો ફરતો હતો. જેને ડુંગરા પોલીસ શોધતી હતી. અ.હે.કો. ભરતભાઈ ભગવાનનાઓ મળેલ બાતમી આધારે પોલીસ સ્ટાફ સહિત પેટ્રોલીંગમાં હતા ત્યારે એન.ડી.પી.એસ. ગુનાના ફરાર આરોપીને કરમખલ ખાતેથી શોધીને આગળની કાયદેસરની કાર્યવાહી હાથ ધરી હતી.
