રૂમની અંદરના કબાટનું લોકર તોડી સોનાના દાગીના અને રોકડ રૂપિયા લઈને ચોરટા ફરાર
(વર્તમાન પ્રવાહ ન્યુઝ નેટવર્ક)
સેલવાસ, તા.13: સેલવાસ વાપી મેઈન રોડ પર આવેલ ક્રિશ્ના હાઈટ્સ સોસાયટીમાં દિનદહાડે ફલેટનું તાળુ તોડી ચોરી કરી ચોરટા ફરાર થઈ ગયા હોવાની ઘટના પ્રકાશમાં આવી છે.
પ્રાપ્ત માહિતી પ્રમાણે સેલવાસના કૃષ્ણ હાઈટ્સ સોસાયટીના પાંચમા માળે ફલેટ નંબર 507માં ધોળા દિવસે સાંજના લગભગ ચાર વાગ્યાના સુમારે કોઈક ચોરટાઓ ફલેટનું તાળુ તોડી અંદર ઘુસી કબાટનું લોકર તોડી સોનાના દાગીના અને રોકડ રકમ ચોરીને ફરાર થઈ ગયા હતા.
ઘર માલિકના જણાવ્યા અનુસાર અમે બન્ને પતિ-પત્ની સવારથી જ નોકરી પર નીકળી ગયા હતા. અમારા આજુબાજુના લોકોએ અમારા ઘરનો દરવાજો ખુલ્લો જોતાં તેઓને શંકા જતા અમને ફોન કર્યો હતો, ત્યારબાદ અમે ઘરે આવીને જોયું તો રૂમની અંદરના કબાટનું લોકર તોડી એમાંથી સોનાના દાગીના અને રોકડ રૂપિયા લઈને ચોરટા ફરાર થઈ ગયા હતા. ઘટનાની જાણ સેલવાસ પોલીસે થતાં તેમની ટીમ સ્થળ ઉપર પહોંચી હતી અને આગળની વધુ તપાસ હાથ ધરી છે.
