(વર્તમાન પ્રવાહ ન્યુઝ નેટવર્ક)
પારડી, તા.19: પારડી એપીએમસી માર્કેટની હદમાં નેટનો મંડપબાંધી સ્થાનિક બહેનો વર્ષોથી સિઝનમાં કેરીનું વેચાણ કરી પોતાનું ગુજરાન ચલાવે છે.
દિવસ દરમ્યાન કેરી વેચ્યા બાદ મોડી સાંજે નેટના બનાવેલ મંડપમાં જ કેરેટમાં કેરીઓ ભરી મંડપ બંધ કરી રાત્રી દરમિયાન પોતાના ઘરે જઈ સવારે પરત ફરી કેરીનો વેપાર કરે છે.
તારીખ 16.6.2024 ના રોજ નિત્યક્રમ મુજબ આ બહેનો દિવસ દરમિયાન કેરીઓ વેચી રાત્રે બાકી રહેલ કેરી કેરેટમાં ભરી નેટના બનાવેલ મંડપમાં મૂકી પોતાના ઘરે ગઈ હતી.
આ દરમિયાન મોડી રાત્રે કોઈ ચોર ઈસમ આ નેટનો મંડપ પાછળથી ફાળી નાખી પોતાની સાથે લાવેલ છોટા હાથી ટેમ્પો નંબર જીજે 15 એવી 6303 માં મંડપની અંદર રાખેલ 20 જેટલા કેરી ભરેલ કેરેટ કિંમત 32000 ની ચોરી કરી ભાગી ગયો હતો.
આ અંગેની ફરિયાદ ભોગ બનનાર બહેનોએ પારડી પોલીસ સ્ટેશનમાં નોંધાવતા પારડી પોલીસ હરકતમાં આવી હતી અને ડી.વાય.એસ.પી કુલદીપ નાઈ ની સૂચના અનુસાર પી.આઈ. જી.આર.ગઢવીના માર્ગદર્શન હેઠળ પી.એસ.આઇ. ડી.એલ. વસાવાની તપાસ દરમિયાન સીસીટીવી ફૂટેજને આધારે અને પારડી પોલીસ સ્ટેશનના એ.એસ.આઈ ચંદુભાઈ સુરપાલને મળેલ બાતમીને લઈ ઓરવાડ તળાવની પાળ મોરા ફળિયા ખાતે રહેતા મૂળ યુ.પી.ના એવા રવિ ચંદ્રભાન ચૌહાણને ધરપકડ કરતા તેણેઆ કેરીની ચોરી કરી વલસાડ ખાતે 30 હજાર રૂપિયામાં વેચી હોવાની કબુલાત કરતા પારડી પોલીસ સ્ટેશનના પી.એસ.આઈ. ડી.એલ.વસાવા વધુ તપાસ કરી રહ્યા છે.
