શુક્ર-શનિવારે પડેલા લગાતાર વરસાદે વાપી શહેરને બરાબર ઘમરોળી દીધુ
(વર્તમાન પ્રવાહ વાપી બ્યુરો)
વાપી, તા.04: વાપી વિસ્તારમાં શુક્રવારે રાતે અને શનિવારે લગાતાર આઠ ઈંચ વરસાદ ખાબકતા શહેરના ખસ્તાહાલ વરસાદે કરી દીધા હતા. વાપી માટે અવરજવરની હાર્ટલાઈન ગણાતો રેલવે અંડરપાસ વધુ વરસાદથી ડૂબી જતા અવરજવર થંભી ગયો હતો. પાલિકાની જહેમત બાદ છ, સાત, કલાક બાદ માંડ માંડ અવર જવર પાછળથી શરૂ થતા વાહન ચાલકોએ રાહતનો દમ લીધો હતો.
વાપીમાં શુક્રવારે રાતે બેસુમાર વરસાદે રફતાર પકડી હતી જે શનિવારે પણ લગાતાર ચાલુ રહેતા શહેરના નિચાણવાળા વિસ્તારોમાં પાણી ફરી વળ્યા હતા. ગાંધી રોડની કેટલીક દુકાનોમાં પણ પાણી ઘૂસી ગયા હતા. નોનસ્ટોપ પડી રહેલા વરસાદથી જનજીવન પ્રભાવિત થઈ ચૂક્યું છે. અતિ વરસાદમાં ક્યાંક ખાડામાં બાઈક સવાર પણ પકડાયા જેવા બનાવો વરસાદે સર્જયા છે. શનિ-રવિ હોવાથી લોકો ઘરમાં પુરાઈ રહ્યા હતા.
