(વર્તમાન પ્રવાહ વાપી બ્યુરો)
વાપી, તા.05: આર.કે. દેસાઈ ગ્રુપ ઓફ કોલેજીસ વાપીમાં બી.એસ.સી અને એમ.એસ.સી.ના વિદ્યાર્થીઓ માટે જોબ પ્લેસમેન્ટનું આયોજન કરવામાં આવ્યું હતું. કોલેજના અધ્યાપકો ડો.પિંકલ પટેલ, ડો.મહેશ સોનવણે, પ્રા.જ્યોત્સના ભૂબનેશ, પ્રા.સોફિયા મોસેસના નેજા હેઠળ જોબ પ્લેમેન્ટનું આયોજન કરવામાં આવ્યું હતું. જેમાં વાઈટલ લેબોરેટરી પ્રાઈવેટ લિમિટેડ કંપનીના ડો.રાહુલ તિવારી તથા તેમની ટીમ હાજર રહ્યા હતા. જેઓએ વિદ્યાર્થીઓમાં છુપાય રહેલી કળાકૌશલ્યની ચકાસણી કરી અને પોતાના વિષયમાં નિપુણતા છે કે નહિ એ બાબતનું ધ્યાન રાખી પસંદગી કરવામાં આવ્યા હતા. કોલેજ કેમ્પસમાં વિવિધ શાખામાં અભ્યાસ કરતા વિદ્યાર્થીઓ તેમના પોતાના પગભર બની પોતાનું સારું એવું જીવન વ્યાપન કરી શકે એ હેતુથી આયોજન કરવામાં આવ્યુ હતુ અને આ ઈન્ટરવ્યૂમાં 16 વિદ્યાર્થીઓની પસંદગી કરવામાં આવી છે. આ સુંદર આયોજન કરવા બદલ સંસ્થાના ચેરમેન શ્રી મિલન દેસાઈ તથા ઈન્ચાર્જ કેમ્પસ ડાયરેક્ટર ડો.મિત્તલ શાહએ શુભેચ્છા પાઠવી હતી.
