(વર્તમાન પ્રવાહ ન્યુઝ નેટવર્ક) દમણ, તા.06
‘રાષ્ટ્રીય ડોક્ટર્સ ડે’ના ઉપલક્ષમાં દમણની સુપ્રસિદ્ધ શેમફોર્ડ ફયુચર્સ્ટિક્સ સ્કૂલમાં ભવ્ય ઉજવણી કરવામાં આવી હતી. દેશના મહાન તબીબ અને શિક્ષણશાષાી તથા સ્વાતંત્ર્ય સેનાની ડો. બી.સી.રોયની જન્મ જયંતિને ‘રાષ્ટ્રીય ડોક્ટર્સ ડે’ તરીકે ઉજવવામાં આવે છે.
મોટી દમણના ભામટી ખાતે આવેલ શેમફોર્ડ ફયુચર્સ્ટિક્સ સ્કૂલમાં ‘ડોક્ટર્સ ડે’ની ઉજવણી ખુબ જ ઉત્સાહ પૂર્વક કરવામાં આવી હતી. આ કાર્યક્રમમાં તબીબ ડો. સિંઘલે ખાસ ઉપસ્થિત રહી વિદ્યાર્થીઓને તેમના ખાવાની આદત,સુવાની પેટર્ન અને રેગ્યુલર હેલ્થ ચેકઅપ ઉપર મનનીય માર્ગદર્શન આપ્યું હતું.
શેમફોર્ડ ફયુચર્સ્ટિક્સ સ્કૂલના વિદ્યાર્થીઓએ ડોક્ટરોના પરિશ્રમને ઉત્તમ નૃત્ય દ્વારા બિરદાવ્યું હતું. આ પ્રસંગે શાળાના સંચાલકો, શિક્ષકો અને સ્ટાફ ખાસ ઉપસ્થિત રહ્યા હતા.
