November 30, 2025
Vartman Pravah
Breaking NewsOtherડિસ્ટ્રીકટદમણદીવદેશ

‘હર ઘર તિરંગા’ અભિયાન અંતર્ગત આંટિયાવાડ ગ્રા.પં.ના સરપંચ ઉર્વશીબેન પટેલે જાહેરમાં લોકોની વચ્‍ચે વિદ્યાર્થીઓ માટે ટી-શર્ટ પેઈન્‍ટિંગ સ્‍પર્ધાના નવતર કાર્યક્રમનું કરેલું આયોજન

આંટિયાવાડ ગ્રામ પંચાયતની અંદરના સ્‍ટ્રીટ રોડ ઉપર ટેબલ-ખુરશી લગાવી વિદ્યાર્થીઓને સફેદ ટી-શર્ટ અને પેઈન્‍ટિંગના સાધનો આપી ઉર્વશીબેન પટેલે સ્‍પર્ધકોને દેશભક્‍તિની ભાવનાઓથી ભરપુર પોતાની ચિત્રકારી કરવા પ્રોત્‍સાહિત કરી તમામને પ્રમાણપત્ર અને પુરસ્‍કારથી પુરસ્‍કૃત પણ કરાયા

(વર્તમાન પ્રવાહ ન્‍યુઝ નેટવર્ક)
દમણ, તા.13 : દમણની આંટિયાવાડ ગ્રામ પંચાયતના સરપંચ શ્રીમતી ઉર્વશીબેન જયેશભાઈ પટેલે ‘હર ઘર તિરંગા’ અભિયાનના ભાગરૂપે આજે પાંચમા દિવસે જાહેરમાં લોકોની વચ્‍ચે વિદ્યાર્થીઓ માટે ટી-શર્ટ પેઈન્‍ટિંગ સ્‍પર્ધાના નવતર કાર્યક્રમનું આયોજન કર્યું હતું.
વિદ્યાર્થીઓ સહિત આજુબાજુ વિસ્‍તારના લોકોમાં દેશભક્‍તિની ભાવના પેદા કરવા અને આઝાદીનો ઉત્‍સાહ વધારવા અંદરના સ્‍ટ્રીટ રોડ ઉપર ટેબલ-ખુરશી લગાવી વિદ્યાર્થીઓને સફેદ ટી-શર્ટ અને પેઈન્‍ટિંગના સાધનો આપી સરપંચ શ્રીમતી ઉર્વશીબેન પટેલે સ્‍પર્ધકોને દેશભક્‍તિની ભાવનાઓથી ભરપુર પોતાની ચિત્રકારી કરવા પ્રોત્‍સાહિત કર્યા હતા.
વિદ્યાર્થીઓને જાહેરમાં સફેદ ટી-શર્ટ ઉપર પેઈન્‍ટિંગ કરતાજોઈ લોકોના ચહેરા પણ પ્રફુલ્લિત બન્‍યા હતા. સરપંચ શ્રીમતી ઉર્વશીબેન પટેલે વિદ્યાર્થીઓને પ્રમાણપત્ર અને પુરસ્‍કાર આપી પ્રોત્‍સાહિત કર્યા હતા.
આ પ્રસંગે સરપંચ શ્રીમતી ઉર્વશીબેન પટેલે પત્રકારો સાથે વાતચીત કરતા જણાવ્‍યું હતું કે, જાહેરમાં વિદ્યાર્થીઓ માટે ટી-શર્ટ પેઈન્‍ટિંગ સ્‍પર્ધા રાખવાનો ઉદ્દેશ વધુમાં વધુ લોકોને ‘હર ઘર તિરંગા’ અભિયાનથી માહિતગાર કરવા અને દેશના આઝાદીના પર્વને ધામધૂમથી મનાવવા પ્રેરિત કરવાનો હતો.
આંટિયાવાડ ગ્રામ પંચાયતના શ્રીમતી ઉર્વશીબેન પટેલે ગ્રામજનોને તા.9 થી 15 ઓગસ્‍ટ સુધી ચાલનારા ‘હર ઘર તિરંગા’ ઉત્‍સવમાં સામેલ થઈ પોતાના ઘરો, દુકાનો તથા કાર્યસ્‍થળ ઉપર રાષ્‍ટ્રધ્‍વજ તિરંગો ફરકાવી સ્‍વતંત્રતા દિનના પર્વની દબદબાભેર ઉજવણી કરવા આહ્‌વાન કર્યું હતું.

Related posts

દમણઃ કચીગામ બારમાં સામાન્‍ય ઝઘડામાં વાપીના વેટરનરી ડોક્‍ટરના પુત્રની હત્‍યાઃ બે યુવક ઘાયલ

vartmanpravah

સતત વરસી રહેલા ભારે વરસાદના કારણે મધુબન ડેમની જળસપાટીમાં થયેલો વધારોઃ મંગળવારે 20113 ક્‍યુસેક પાણી છોડાયું 

vartmanpravah

વલસાડના પાલણ, અતુલ, રોણવેલ, કુંડી અને ધરમપુરના આસુરા પેટા આરોગ્ય કેન્દ્રને NQAS પ્રમાણપત્ર એનાયત

vartmanpravah

વાપી વાઈટલ કંપનીમાં ચોરીની શંકામાં કર્મચારીને ગોંધી રાખી માર મારનાર વોન્‍ટેડ આરોપી પોલીસે ઝડપી પાડયો

vartmanpravah

સેલવાસમાં પતંગના દોરાથી એક યુવાનને ઈજા : ગાલ અને હોઠ ઉપર ગંભીર ઈજાઃ 15 ટાંકા આવ્‍યા

vartmanpravah

વલસાડ વિભાગના રેવન્‍યુ કર્મચારીઓ 18 જેટલી પડતર માંગણીઓ માટે માસ સી.એલ. પર ઉતર્યા

vartmanpravah

Leave a Comment