અનેક પોકેટ ગાર્ડન વૃક્ષારોપણ કરીને વિકસાવાય છે પરંતુ આ ગાર્ડન પ્રજા માટે કોઈ ઉપયોગી થતા નથી
(વર્તમાન પ્રવાહ વાપી બ્યુરો)
વાપી, તા.22: વાપી જીઆઈડીસી વિસ્તારમાં પર્યાવરણની જાળવણી માટે અનેકવાર વૃક્ષારોપણ કાર્યક્રમો યોજાય છે. ફોટો સેશન થાય છે. જીઆઈડીસીમાં કોર્નર કે ખાંચાની જાહેર જમીનો ઉપર પોકેટ ગાર્ડન બનાવાની આવકાર્ય કામગીરી થઈ રહી છે. આવા પોકેટ ગાર્ડન બનાવાયા બાદ જે તે કંપનીઓ ગાર્ડન દત્તક લઈને ેતની સાર સંભાળ અને જાળવણીની જવાબદારી લેતી હોય છે પરંતુ થોડો સમય બાદ કંપની તેવી જવાબદારી વિસરી જતી હોય છે. પરિણામે એસ્ટેટના અનેક પોકેટ ગાર્ડન દુર્દશાગ્રસ્ત બની ચુકેલા નિહાળાઈ રહ્યા છે.
વી.આઈ.એ., વી.જી.ઈ.એલ., નોટિફાઈડ ઓથોરિટી, સહયોગી સંસ્થાઓ જી.પી.સી.બી., જી.આઈ.ડી.સી. સંયુક્ત પ્રયાસે વાપીના પર્યાવરણની જાળવણી માટે ઉમદા પ્રયાસો કરી રહેલ છે. વૃક્ષારોપણ અને પોકેટ ગાર્ડન એસ્ટેટમાં બનાવાયા છે. આવા પોકેટ ગાર્ડન જે તે કંપની દત્ત લેતી હોય છે. જેની જવાબદારી ઉછેરવાની અને જતન કરવાની કંપનીની હોય છે પરંતુ થોડા સમય બાદ પોકેટ ગાર્ડનોધૂળ ખાતા થઈ જતા હોય છે. તેનું શ્રેષ્ઠ ઉદાહરણ આવિક ફાર્માનો પોકેટ ગાર્ડન છે. બીજા પણ છે. ગો ગ્રીન સોસાયટીનું સુત્ર સાર્થક થતું જોવા નથી મળી રહ્યું. તેવી કડવી વાસ્તવિકતા પણ સપાટી ઉપર છે.